Hellbound

ဥပဒေရဲ့ လက်အောက်မှာ အပြစ်မပေးနိုင်တဲ့ မကောင်းတဲ့သူတွေကို ဘုရားသခင်ကသာ ဝင်စီရင်ခဲ့ရင် လောကကြီး ဘယ်လိုဖြစ်နေမလဲ။ ဒါပေမဲ့ စီရင်ခံရတဲ့သူတွေကရော တကယ်ပဲ မကောင်းတဲ့သူတွေလား။ စီရင်မှုတွေကိုရော တကယ်ပဲ ဘုရားသခင်က လုပ်ဆောင်နေတာလား။ ဒီဇာတ်လမ်းတွဲမှာ လူတစ်ယောက်ရှေ့ကို နတ်သားတစ်‌ပါးက ကိုယ်ယောင်ပြပြီး ငရဲကို သွားရမယ့် အချိန်အတိအကျကို အမိန့်ပေးခဲ့ပါတယ်။ အဲဒီအချိန် အဲဒီနေ့ရက်ကို ရောက်လာရင် ငရဲသားတွေက ရောက်လာပြီး ရက်စက်ကြမ်းတမ်းစွာ ရိုက်နှက်ထိုးကြိတ်ပြီးမှ ငရဲကို ခေါ်သွားကာ ခံရတဲ့သူဟာဆိုရင်လည်း ငရဲမှာ အမှန်တကယ်ပိတ်မိသွားမှာပါ။ အဲ့ဒီအကြောင်းကို လူသားတွေဆီ မက်ဆေ့ခ်ျပို့ပေးနေတဲ့ အမှန်တရားသစ် အဖွဲ့အစည်း၊ အမှန်တရားသစ်အဖွဲ့အစည်းရဲ့ မကောင်းမှုတွေကို ဖော်ထုတ်မယ်ဆိုတဲ့ လူတစ်စု၊ သူနိုင်ကိုယ်နိုင် အပြိုင်ကြဲကြမယ့် ဒီ‌ဇာတ်လမ်းလေးကို တစ်ပိုင်းပြီး တစ်ပိုင်း ရင်တထိတ်ထိတ်နဲ့ ကြည့်ရှုရမှာဖြစ်ပါတယ်။ Season 2 ကလည်း မကြာခင်မှာ ထွက်ရှိလာတော့မှာဖြစ်တဲ့အပြင် သရုပ်ဆောင်တွေကလည်း ရင်းနှီးပြီးသား ဝါရင့်တွေ ဖြစ်တဲ့အတွက် လက်မလွှတ်သင့်တဲ့ ဇာတ်လမ်းလေး ဖြစ်ပါတယ်။