Zhu Bajie: The Spring Years

ဒီတရုတ်ကားလေးကတော့ ဝက်ကြီး ကျုးပါးကျဲ့ကို ဗားရှင်းနောက်တစ်မျိုးနဲ့ အချစ်ဟာသဆန်ဆန် ရိုက်ထားတဲ့ ဇာတ်ကားလေးပါ။ ဇာတ်ကား လေးက တခြားတရုတ်ကားတွေနဲ့ မတူဘဲ နည်းနည်းလေး တမူထူးခြားနေတော့ ကြည့်လို့ကောင်းတယ်လို့တော့ ပြောရမှာပါ။ ဇာတ်လမ်း အကျဉ်းအနေနဲ့ကတော့ ကောင်းကင်ဘုံရဲ့ စည်းမျဉ်းကို ချိုးဖောက်တဲ့အတွက်ကြောင့် ကောင်းကင်ဘုံကနေ လူ့ပြည်ကို မောင်းထုတ်ခံလိုက်ရတဲ့ ကျုးပါးကျဲ့ဟာ လူဝင်စား ရှစ်ဘဝနဲ့ ဘေးအန္တရာယ် ရှစ်ခုကို ကျော်ဖြတ်ပြီးရင် ကောင်းကင်ဘုံကို ပြန်သွားနိုင်မှာပါ။ ဒါပေမဲ့လည်း သူ့ရဲ့ ရှစ်ဘဝ မြောက်မှာ ရှောင်လုံနွီဆိုတဲ့ နဂါးမလေး ပေါ်လာပြီး ဘယ်လိုအခက်အခဲတွေ ရင်ဆိုင်ရမလဲဆိုတာတော့ ပရိသတ်ကြီးကိုယ်တိုင်ပဲ ကြည့်ရှု ခံစားလိုက်ပါ။