Vertical Limit

အန်နီနဲ့ ပီတာ တို့မောင်နှမနှစ်ယောက် အဖေဖြစ်သူနဲ့ တောင်တက်လေ့ကျင့်နေကြပါတယ်။ တောင်တက်တဲ့ပုံစံအရ လေးယောက် ငါးယောက် အတူတက်ကြရမှ ထိပ်ဆုံးကတစ်ယောက်ရဲ့ ခြေချော်မှုကြောင့် အတွဲလိုက်ချော်ကြကြပါတော့တယ်။ နောက်ဆုံးမှတက်နေတဲ့ အန်နီရဲ့ သုံးဆင့် ဝင်ရိုးကြောင့်သာ အားလုံးအသက်ရှင်ကြပေမယ့် ကြာကြာတော့မခံနိုင်ပါဘူး။ မောင်နှမနှစ်ယောက်ကို ကယ်တင်ဖို့အတွက် အဖေဖြစ်သူဟာ သူ့ကိုယ်သူစတေးဖို့ ဆုံးဖြတ်လိုက်ပါတယ်။ ဒါပေမယ့် ထိုဆုံးဖြတ်ချက်ကို လက်တွေ့လုပ်ရမှာကတော့ ပီတာပဲဖြစ်ပါတယ်။ ဘာလို့လည်း ဆိုတော့ ကြိုးကိုဖြတ်ချလိုက်ဖို့ ဓါးကသူ့လက်ထဲမှာပဲ ရှိလို့ပါ။ ခက်ခက်ခဲခဲ အဖေ့ကြိုးကို ဖြတ်ချပြီးလိုက်တဲ့ နောက်မှာတော့ ပီတာတစ်ယောက် ညီမဖြစ်သူရဲ့အမုန်းကို ခံရပါတော့တယ်။ နှစ်အနည်းငယ်ကြာပြီးနောက် လုပ်ငန်းသဘောအရ ကေတူးတောင်တက်ခရီးစဥ်မှာ မောင်နှမ နှစ်ယောက်ပြန်ဆုံကြတဲ့အခါ ဘယ်လိုဆက်ဖြစ်ကြမလဲ။ တောင်တက်သွားသူ ညီမအန်နီတစ်ယောက် တောင်ပေါ်မှာ ပိတ်မိတဲ့အခါ တောင်တက် ဖို့ ကြောက်စိတ်ဝင်ခဲ့တဲ့အစ်ကိုတစ်ယောက် ဘယ်လိုရဲဆေးတင်ပြီး ကယ်တင်သွားမလဲဆိုတာ ရင်ခုန်စွာနဲ့ စောင့်ကြည့် ရမယ့် အက်ရှင်ကားလေး တစ်ကားပဲ ဖြစ်ပါတယ်။ မင်းသား မင်းသမီးတွေအနေနဲ့ကတော့ Robin Tunney၊ Chris O’Donnell နဲ့ တိုက်တန်းနစ် ဇာတ်ကားထဲက ရှာဖွေရေးမင်းသားကြီး Bill Paxton စသည်တို့ ပါဝင်ထားပါတယ်။ ၂၀၀၀ ခုနှစ်က ထွက်ရှိခဲ့တဲ့ အမေရိကန်ဒေါ်လာ ၇၅ သန်း အကုန်အကျ ခံခဲ့ရတဲ့ ဇာတ်ကားလေး ဟာ BAFTA Award for Best Special Visual Effects 2001, Satellite Award for Best Visual Effects 2001, Teen Choice Award for Choice Summer Movie: Drama/Action Adventure 2001 ဆိုပြီး ဇကာတင်စာရင်း ဝင်ခဲ့ပါတယ်။ စွန့်စွန့်စားစား ခရီးကြမ်းတွေ၊ နှင်းတောင်တက်ခရီးစဥ်တွေနဲ့ အက်ရှင်ဇာတ်ကားတွေ နှစ်သက်သူတို့အဖို့ ဇာတ်ကားကောင်းလေး တစ်ကား ဖြစ်မယ်လို့ မျှော်လင့်မိပါတယ်။