Venom

ဒီကားလေးက October 5, 2018 ကထွက်ရှိထားတဲ့ အလန်းစား Action/Adventure ကားလေးပါ။ $ 856.1 million အကုန်အကျခံထားပြီး rating 6.7 ရရှိထားပါတယ်။ Tom Hardy နဲ့ Michelle Williams တို့ပါဝင်သရုပ်ဆောင်ထားပါတယ်။ ဇာတ်လမ်းအကျဉ်းကတော့ သတင်း ထောက်အက်ဒီဟာ လိုက်ဖ်ဖောင်ဒေးရှင်းရဲ့စီအီးအို ကာတွန်ကို လူသားအစမ်းသပ်ခံတွေကို သေဆုံးစေမှုနဲ့ ဖြုတ်ချချင်နေတာပါ။ ကာတွန်းဟာ ကမ္ဘာကြီးကို ကယ်တင်ဖို့ဆိုပြီး အာကာသကနေ ဇီဝမျိုးစပ် သတ္တဝါတွေကို ဒုံးပျံနဲ့ခေါ်သွင်းလာတယ်။ အဲဒီဇီဝမျိုးစပ်ကို လက်ခံကောင် ဖြစ်တဲ့ လူသားနဲ့ ပေါင်းစည်းပြီး အာကာသမှာသွားရောက်နေထိုင်ဖို့ ကြံစည်နေတာပါ။ ဒါပေမဲ့ ပေါင်းစည်းမှုမကိုက်ညီတဲ့အခါမှာတော့ အစမ်းသပ်ခံ လူသားတွေ သေဆုံးကြရပါတယ်။ အက်ဒီတစ်ယောက် ကာတွန်းရဲ့ဓာတ်ခွဲခန်းကို သက်သေမှတ်တမ်းရှာဖို့သွားရာကနေ မထင်မှတ်ဘဲ ဇီဝ မျိုးစပ်တစ်ကောင်က သူ့ကိုယ်ထဲဝင်သွားပါတယ်။ ကြက်သီးတဖြန်းဖြန်းထစေမယ့် အဲဒီသတ္တဝါကြီးတွေက ကပ်ပါးကောင်အဖြစ် လူတွေရဲ့ အသွေးအသားတွေကို ဝါးမြိုတာဆိုတော့ အက်ဒီတစ်ယောက်ရော ဘာတွေဖြစ်မလဲ? လူသားနဲ့ဇီဝမျိုးစပ် ပေါင်းစည်းပြီး ကမ္ဘာကြီးကို ကယ်တင်တာလား ဒုက္ခဖြစ်စေတော့မှာလား? ဆိုတာ ရင်တထိတ်ထိတ်နဲ့ အလန်းစာရိုက်ကွက်တွေကို ကြည့်ရှုရမှာဖြစ်ပါတယ်။