Unknown Soldier

Unknown Soldier ၁၇၉ မိနစ်ကြာမြင့်တဲ့ Unknown Soldier စစ်ကားလေးကို ဒါရိုက်တာ Aku Louhimies ကရိုက်ကူးထားပြီး သူ့ကိုယ်ပိုင် ထုတ်လုပ်ရေးကနေ ၂၀၁၇ ခုနှစ်၊ အောက်တိုဘာလ ၂၇ ရက်က ထုတ်ဝေခဲ့တာပဲ ဖြစ်ပါတယ်။ စာရေးဆရာ Vaino Linna ရေးခဲ့ပြီး ၁၉၅၄ ခုနှစ်မှာ အရောင်းရဆုံး စာရင်းဝင်ခဲ့တဲ့ Unknown Soldier ဝတ္ထုလေးကို ပြန်လည်ရိုက်ကူးထားတာပဲ ဖြစ်ပါတယ်။ ဒုတိယကမ္ဘာစစ်အတွင်း ဖင်လန်နိုင်ငံရဲ့ စက်သေနတ်တပ်ခွဲကို အဓိကထားပြီး ၁၉၄၁ ခုနှစ်နဲ့ ၁၉၄၄ အတွင်း ဖင်လန်နိုင်ငံနဲ့ ဆိုဗီယက်ပြည်ထောင်စုတို့အကြား ဖြစ်ပွါး ခဲ့တဲ့စစ်ပွဲတွေကို ရိုက်ကူးထားတာပဲဖြစ်ပါတယ် ဖင်လန်နိုင်ငံရုပ်ရှင်သမိုင်းမှာ အကုန်အကျအများဆုံးစာရင်းဝင်ခဲ့တဲ့ ဒီဇာတ်ကားကို ရိုက်ကူးဖို့ အတွက် ယူရိုငွေ ၇ မီလီယံကို သုံးစွဲခဲ့ရသော်လည်း ဖင်လန်နိုင်ငံမှာ အအောင်မြင်ဆုံးဇာတ်ကားစာရင်းဝင်ခဲ့တဲ့အပြင် ဒီဇာတ်ကားလေးကနေ ယူရိုငွေ ၁၃.၅ မီလီယံကို ပြန်လည်ရရှိခဲ့ပါတယ်။ ဒီဇာတ်ကားလေးကို ရိုက်ကူးရတဲ့ ရည်ရွယ်ချက်လေးကတော့ ဖင်လန်နိုင်ငံလွတ်လပ်ရေးရတာ နှစ်တစ်ရာပြည့်အစီအစဉ်မှာ ထည့်သွင်းပြသနိုင်ရန် ရည်ရွယ်ရိုက်ကူးခဲ့ကြခြင်း ဖြစ်ပါတယ်။ အကောင်းဆုံးသရုပ်ဆောင်ဆု၊ တည်းဖြတ် အကောင်းဆုံးဆု၊ မိတ်ကပ်ပြင်ဆင်မှုအကောင်းဆုံးဆုနဲ့ အသံတည်းဖြတ်အကောင်းဆုံးဆုစတဲ့ ရုပ်ရှင်နဲ့ ပတ်သက်တဲ့ ဆုပေါင်းများစွာကို သိမ်းပိုက်နိုင်ခဲ့တဲ့ ဇာတ်ကားကောင်းလေးတစ်ခုပဲဖြစ်ပါတယ်။ ဒီဇာတ်ကားလေးမှာ ဒုတိယကမ္ဘာစစ်အတွင်း ဖင်လန်နိုင်ငံသားအရာရှိ၊ စစ်သည် တွေရဲ့ စိတ်ဓာတ်၊ ခံယူချက်၊ ရိုးသားမှု၊ သစ္စာစောင့်သိမှု၊ ရိုင်းပင်းကူညီမှု၊ ညှာတာမှု၊ ပြတ်သားမှု၊ စစ်ရေးစွမ်းရည်ပြည့်ဝမှု၊ ကိုယ်ချင်းစာ တရားရှိမှု၊ အမိန့်နာခံမှုကောင်းမှု၊ တိုက်ရည်ခိုက်ရည်ကောင်းမှုနဲ့ ရဲရင့်မှုတို့ကို သည်းထိတ်ရင်ဖို တွေ့မြင်ကြည့်ရှုခံစားနိုင်မယ့် စစ်ကား ကောင်းလေးတစ်ခုပဲ ဖြစ်ပါတယ်