Tokyo Revengers

Animation နဲ့တင် ဟိုးလေးတကျော်ကျော်ဖြစ်ခဲ့ရာက အခုချိန်မှာ live action အနေနဲ့ ပြန်လည်ရိုက်ကူးထားပြီဖြစ်တဲ့ ဂျပန်ရုပ်ရှင်ကား ကောင်းလေးနဲ့ မိတ်ဆက်ပေးပါမယ်။ အဓိကပါဝင်သရုပ်ဆောင်ထားတဲ့မင်းသားတွေအကုန်လုံးက ကျရာဇာတ်ရုပ်နဲ့ တော်တော်လေး လိုက်ဖက်တဲ့အပြင် ကြည့်ကောင်းပြီး သရုပ်ဆောင်ချက်တွေကလည်း ပီပီပြင်ပြင်ရှိလှပါတယ်။ မင်းသားတွေကြားထဲမှာမှ ဂျပန်နာမည်ကြီး မင်းသမီးချော Mio Imada ကလည်း ပါဝင်အားဖြည့်ပေးထားပြီး 2021 ခုနှစ်မှာ ထွက်ရှိထားရုံသာမက IMDb Rating ကလည်း 7.2 ထိရရှိထားတာဖြစ်လို့ လုံးဝလက်လွှတ်မခံပါနဲ့နော်။

အညွှန်း~
‘တာကဲမိချိ’ ဆိုတဲ့ကောင်လေးတစ်ယောက်ရဲ့တော်တော့်ကိုခါးသီးလွန်းတဲ့ဘဝနဲ့ ဇာတ်အိမ်ကို အစပျိုးထားပါတယ်။ သူ့ဘဝက အဖန်တလဲလဲ တောင်းပန်ပြီးရင်း တောင်းပန်ပြီး ရှင်သန်နေရတာပါ။ အဲ့လိုဖြစ်သွားရတဲ့အကြောင်းရင်းကတော့ သူ့ရဲ့အထက်တန်းကျောင်းသား လူမိုက်ဘဝ ကနေ စတင်ခဲ့တာပဲဖြစ်ပါတယ်။ သူ လူမိုက်ကျောင်းသားဘဝတုန်းက ချစ်ကြိုက်မိခဲ့တဲ့ တစ်ဦးတည်းသောကောင်မလေးကလည်း တိုမန် ဂိုဏ်းကြီးရဲ့ ရန်ပွဲနဲ့ငြိပြီး သေဆုံးသွားခဲ့ပါတယ်။ ခါးသီးနေတဲ့သူ့ဘဝနဲ့ ကောင်မလေးရဲ့သေဆုံးမှုကို ပြန်လည်အဖတ်ဆည်ဖို့ သူက မထင်မှတ်ဘဲ လွန်ခဲ့တဲ့ ၁၀ နှစ်ရဲ့အထက်တန်းကျောင်းသားလူမိုက်ဘဝကို အချိန်ခရီးထွက်နိုင်သွားခဲ့ပါတယ်။ အတိတ်မှာဖြစ်ခဲ့တာတွေကို ပြန်လည် ပြင်ဆင်ခွင့် ရရှိသွားတဲ့ တာကဲမိချိတစ်ယောက် အလွဲလွဲအချော်ချော်တွေနဲ့အတူ ကောင်မလေးကိုရော သူ့ဘဝကြီး‌ကိုရော ပြန်အဖတ်ဆည် နိုင်ပါ့မလား ဆိုတာ ကြည့်ရှူခံစားရမှာပဲဖြစ်ပါတယ်။ တိုမန်ဂိုဏ်းကြီးရဲ့အရှုပ်တော်ပုံမှာ ဂိုဏ်းခေါင်းဆောင်မိုက်ခီနဲ့ ဒရာခဲန်တို့ရဲ့ထင်တိုင်း ကြဲမယ့် ရန်ပွဲတွေကိုလည်း တစ်ဝကြီးရူစားရမှာမလို့ ဖိုက်တင်ခန်းတွေ ကြိုက်နှစ်သက်တဲ့ပရိသတ်ကြီးအတွက် ဒီကားလေးကို မိတ်ဆက်ပေး လိုက်ပါတယ်နော်။