The Town of Ghosts

ဒီတရုတ်ကားလေးကတော့ 2022-01-08 နေ့က ထွက်လာတဲ့ ပူပူနွေးနွေး တရုတ် Horror ဇာတ်ကားလေးပဲ ဖြစ်ပါတယ်။ ဒီဇာတ်ကားလေးဟာဖြင့် Mystery, Horror, Thriller အမျိုးအစား ဖြစ်ပြီးတော့ ဟာသလေးတွေပါ ပေါင်းထည့်ထားပါတယ်။ ဒါ့အပြင် ထူးထူးဆန်းဆန်း လူသေမှုတွေရဲ့ နောက်ကွယ်က ပဟေဠိတွေအကြောင်းလည်း မြင်တွေ့ရမှာပါ။ အချုပ်ဆိုရရင်ဖြင့် လောလောလတ်လတ် ထွက်လာတဲ့ တရုတ်ကားတွေထဲမှာ အတော်မဆိုးတဲ့ ဇာတ်ကားလေးလို့ ပြောရမှာပါ။ ဇာတ်လမ်းအကျဉ်းအနေနဲ့ကတော့ ရတနာမုဆိုးတွေ ဖြစ်တဲ့ ရန်ရန်ရီးနဲ့ ပေါင်ဟူလူတို့ သူငယ်ချင်းနှစ်ယောက်ဟာ ရတနာရှာထွက်လာရင်း သရဲမြို့တော်ကို ရောက်သွားပါတယ်။ ရိုးရိုးတန်းတန်း မြို့တစ်မြို့လို့ ထင်ထားခဲ့ပေမယ့် တကယ့်တကယ် ရောက်သွားတော့ လျှို့ဝှက်ချက်တွေ အများကြီးရှိနေတာကို သူတို့နှစ်ယောက် တွေ့လိုက်ရတဲ့အတွက် ဘုရားလည်း ဖူးရင်း လိပ်ဥလည်း တူးရင်း ဆိုသလို သူတို့အနေနဲ့ တစ်ဖက်က ရတနာရှာရင်း တစ်ဖက်က စုံစမ်းရင်းနဲ့ ဘာတွေသိလာရမလဲဆိုတာ ပရိသတ်ကြီးကိုယ်တိုင်ပဲ ခံစားကြည့်ရှုဖို့ တိုက်တွန်းလိုက်ပါရစေ။