The Tai Chi Master

ဒီတရုတ်ကားလေးကတော့ တလောလေးကမှ ပူပူနွေးနွေးထွက်ထားတဲ့ သိုင်းကားလေးပါ။ ဒီကားလေးကတော့ ကျွန်တော်တို့ ဆရာကြီး ကျင်းယုံရဲ့ နဂါးနိုင်ဓားထဲက ထိုက်ချိသိုင်းဆရာကြီး ကျန်းဆန်းဖုန်း အကြောင်း ပြန်ရိုက်ထားတဲ့ ဇာတ်ကားလေးပါ။ သို့ပေမယ့်လည်း ကျန်းဆန်းဖုန်း ဖြစ်ပေါ်လာပုံ ဇာတ်ကြောင်းကတော့ လုံးလုံးမတူပါဘူး။ ဒီတော့က ကျန်းဆန်းဖုန်း ငယ်ဘဝ ကျန်းကျွင်းပေါင်ရဲ့ အကြောင်းကို ဗားရှင်းအသစ် ဇာတ်လမ်းအသစ်ကို ဖီးလင်တစ်မျိုးလေးနဲ့ ခံစားရစေမှာပါ။ ဒါ့အပြင် မထင်မှတ်ထားတဲ့ လှည့်ကွက်တွေလည်း ပါဝင်တဲ့အတွက် သိုင်းကားကြိုက်သူ ပရိသတ်ကြီးအတွက်တော့ အကြိုက်တွေ့စေမှာပါ။ ကျွန်တော့်အမြင် ပြောရရင်တော့ မင်းသားက အသက်နည်းနည်း ကြီးနေတာက လွဲရင် ကျန်တာအားလုံးက မဆိုးဘူးလို့ ပြောရမှာပါ။ ဒီတော့ ဒီတရုတ်ကားလေးက ကြည့်ရတာ မဆိုးဘူးလို့ ပြောလို့ရမယ့် ကားလေးပါလို့ ညွှန်းဆိုပေးလိုက်ပါရစေ။