The Smurfs 2

ဒီဇာတ်ကားလေးကတော့ 2011 ကထွက်ရှိထားတဲ့ Smurfs 1 ဇာတ်ကားလေးရဲ့ အဆက်ပဲဖြစ်ပါတယ်။ စမတ်လေးတွေကို 3D animation နဲ့ပြုလုပ်ထားတာက တကယ့်ကို လက်ရာမြောက်လှပါတယ်။ အရင် Smurfs 1 မှာတုန်းက နယူးယောက်မြို့မှာ ရိုက်ကူးထားပြီး ယခု Smurfs 2 မှာတော့ ပဲရစ်မြို့မှာ ရိုက်ကူးထားတာဖြစ်ပါတယ်။ အားလုံးပဲသိကြတဲ့အတိုင်း စမတ်ရွာထဲမှာ စမတ်ဖလေ ဆိုတဲ့ မိန်းကလေးတစ်ဦး ရှိပါတယ်။ ဘာလို့ ရွာထဲမှာ တစ်ဦးတည်းသော မိန်းကလေးဖြစ်နေရတာလဲဆိုရင် သူ့ကို အရမ်းကောက်ကျစ်တဲ့ မှော်ဆရာကြီး ဂါဂမယ်က ဖန်တီးထားတဲ့အတွက်ဖြစ်ပါတယ်။ အဲ့လိုဖန်တီးထားတာကလည်း စမတ်ရွာကို နှောင့်ယှက်ပြီး ဖျက်ဆီးပစ်ဖို့ပါ။ ဒါပေမဲ့ အလွန်သဘောထား ကြီးပြီး စမတ်တွေရဲ့ အကြီးအကဲဖြစ်တဲ့ ပါးပါး စမတ်က ဖော်မြူလာတစ်ခုပြုလုပ်ပြီး စမတ်ဖလေကို တကယ့် စမတ်အစစ်အဖြစ် ပြောင်းလဲပေးလိုက်တဲ့အခါမှာ တကယ့်ကို ချစ်စရာကောင်းတဲ့ စမတ်မလေး တစ်ယောက်ဖြစ်လာပါတော့တယ်။ အဲ့ဒါကို သိသွားတဲ့ ဂါဂမယ်က ဖော်မြူလာကို လိုချင်တဲ့အတွက် စမတ်ဖလေကို ပြန်ပေးဆွဲဖို့ ပြုလုပ်ပါတော့တယ်။ အဲ့လိုအချိန်အခါမှာ တခြားစမတ်တွေနဲ့ သူတို့ရဲ့ မိတ်ဆွေတွေဖြစ်တဲ့ ပတ်ထရစ်တို့မိသားစုက စမတ်ဖလေကို ဘယ်လိုပြန်ကယ်တင်ကြမလဲ၊ စမတ်ဖလေကရော ဖော်မြူလာကို ပြောပြ လိုက်မှာလား ဆိုတာကို စိတ်ဝင်စားစွာ ကြည့်ရှုရမယ့် ဇာတ်လမ်းကောင်းလေးတစ်ပုဒ်ဖြစ်ပါတယ်။