The Shallows

ဒါရိုက်တာ Jaume Collet-Serra ရိုက်ကူးပြီး ၂၀၁၆ ခုနှစ်၊ ဇွန်လမှာထုတ်ဝေခဲ့တဲ့ The Shallows ဇာတ်ကားလေးဟာ ၈၆ မိနစ်ကြာမြင့်ပြီး အမေရိကန် မင်းသမီးချောလေး Blake Lively က ဆေးကျောင်းသူလေး Nancy Adams အဖြစ် အဓိကပါဝင်သရုပ်ဆောင်ထားတဲ့ သည်းထိတ် ရင်ဖိုဇာတ်လန်းလေးပဲဖြစ်ပါတယ်။ ရေလွှာလျှောစီးတာဝါသနာပါတဲ့အမေဖြစ်သူက ကင်ဆာရောဂါနဲ့ကွယ်လွန်သွားပြီးတဲ့နောက်မှာ ဆေး ကျောင်းသူလေး Nancy ဟာ သူမကိုယ်ဝန်ကိုဆောင်ထားစဉ်က သူ့အမေသွားခဲ့တဲ့ကမ်းခြေကိုရောက်အောင်သွားခဲ့ပြီး ရေလွှာလျှောစီးရာကနေ စခဲ့တဲ့ သည်းထိတ်ရင်ဖိုဇာတ်လမ်းလေးပဲ ဖြစ်ပါတယ်။ ဇာတ်လမ်းလေးရဲ့နောက်ခံကိုတော့ အမေရိကန်ပြည်ထောင်စု၊ တက္ကဆက်ပြည်နယ် မှာရှိတဲ့ လှပတဲ့ကမ်းခြေလေးတစ်ခုမှာ ရိုက်ကူးထားတာပဲဖြစ်ပါတယ်။ ဇာတ်လမ်းမှာ ဆေးကျောင်းသူလေး Nancy Adams ဟာ မိခင်ကဲ့သို့ ရေလွှာလျှောစီးတာကိုဝါသနာကြီးသူတစ်ယောက်ဖြစ်ပြီး သူငယ်ချင်းတွေနဲ့ရေလွှာလျှောစီးဖို့ ကမ်းခြေတစ်ခုကိုလာရာမှာ သူငယ်ချင်းတွေက ကျန်ခဲ့ပြီး သူမတစ်ယောက်တည်းရေလွှာလျှောစီးဖြစ်ခဲ့ပုံ၊ မထင်မှတ်ဘဲ အန္တရာယ်နဲ့ရင်ဆိုင်ကြုံတွေ့ခဲ့ရပုံ၊ ရရှိခဲ့တဲ့ဒဏ်ရာကို အသက်အန္တရာယ် မဖြစ်စေရေးအတွက် သတ္တိရှိစွာပြုလုပ်ခဲ့ပုံ၊ ကူညီစာနာသနားတတ်ပုံ၊ စိတ်ဓာတ်ခိုင်မာမာကြောပုံ၊ ဆုံးဖြတ်ချက်ပြတ်သားပုံ၊ ဉာဏ်ပညာနဲ့ စဉ်းစားဆင်ခြင်နိုင်မှုကြောင့် အသက်ဘေးမှလွတ်မြောက်ခဲ့ရပုံတွေကို ရင်သပ်ရှုမောဖွယ် ရင်တထိတ်ထိတ်နဲ့ကြည့်ရှုရမယ့် ဇာတ်ကား ကောင်း လေးပဲဖြစ်ပါတယ်။