The Northman

ဒီနေ့မှာတော့ ဗိုက်ကင်းဖန်တွေအတွက် ဒီ The Northman (2022) ဇာတ်ကားလေးကိုတင်ဆက်ပေးလိုက်ပါတယ်ရှင့်။ ဇာတ်လမ်းအကျဉ်းကတော့ ဟဖ်ဆေးတိုင်းပြည်ကိုအုပ်စိုးတဲ့ဘုရင် အားဗန်ဒီးဟာ သူ့လူယုံတဖြစ်လဲ ညီတော်ဖီအိုးနီးရဲ့ လုပ်ကြံတာကိုခံလိုက်ရပြီး ထီးနန်းလုခံလိုက်ရပါတယ်။ ဖခင်အသတ်ခံရတာကို မျက်မြင်တွေ့လိုက်ရတဲ့ အာဗန်ဒီးရဲ့သားတော် အဲလ်မလစ်က တိုင်းပြည်ကနေ အသက်လုထွက်ပြေးခဲ့ရပြီး တချိန်ကျရင် ဖခင်အတွက်လက်စားချေပေးပါ့မယ်ဆိုပြီးလည်း ကြိမ်းဝါးခဲ့ပါတယ်။ နှစ်ပေါင်းများစွာကြာပြီးနောက် အဲလ်မလစ်တစ်ယောက် ဝက်ဝံကိုပါ နပန်းလုံးသတ်ဖြတ်နိုင်လောက်တဲ့ခွန်အားကို ပိုင်ဆိုင်ထားတဲ့ ဗိုက်ကင်းတစ်ယောက်ဖြစ်လာခဲ့ပါတယ်။ တစ်နေ့ ရွာတစ်ရွာကိုဝင်စီးရင်း သူ့ငယ်ဘဝကိုပြန်အမှတ်ရသွားတဲ့အတွက် ကလဲ့စားကိုဦးတည်ပြီး ဦးလေးဖြစ်သူရှိရာဆီကို ဦးတည်လာခဲ့ပါတော့တယ်။ အဲလ်မလစ်အနေနဲ့ အလုပ်ကြမ်းအောက်ခြေသိမ်းလုပ်ရတဲ့ကျွန်အဖြစ် ဦးလေးရဲ့လက်အောက်ကိုစတင်ဝင်ရောက်ပြီးတော့ ဘယ်လိုတွေကြံစည်ပြီး လက်စားချေသွားမလဲ အောင်ရောအောင်မြင်ပါ့မလားဆိုတာကို တိုက်ခိုက်ခန်းတွေတစ်သီကြီးနဲ့ ကြည့်ရှုလိုက်ကြရအောင်ပါ။ ဇာတ်လမ်းကရိုးတယ်ထင်ရပေမဲ့ မြှုပ်ကွက်လေးတွေပါတာမလို့ ပရိတ်သတ်ကြီးတို့ကို ဆွဲခေါ်သွားနိုင်မှာပါ။ သွေးသံရဲရဲအခန်းတွေနဲ့ 18+ အခန်းလည်း အနည်းငယ်ပါတာမလို့ လူကြားကြီးထဲတော့ ဖွင့်မကြည့်ကြပါနဲ့ရှင့်။