The Meg

The meg 2018 ကတော့ 1997 ကထွက်ရှိခဲ့တဲ့ Meg: A Novel of Deep Terror ဆိုတဲ့ဝတ္တုကို ပြန်လည်ပုံဖော်ရိုက်ကူးထားတာပဲဖြစ်ပါတယ်။ ဒီဇာတ်ကားမှာတော့ Fast & Furious တို့ရဲ့ ပင်တိုင်ဆရာကြီး နာမည်ကြီးမင်းသား Jason Statham, Resident Evil: The Final Chapter , XXX: Return of Xander Cage တို့မှာ တွေ့ရတဲ့ ခပ်မိုက်မိုက်မင်းသမီး Ruby Rose, Resident Evil: Retribution, Transformers: Age of Extinction စတဲ့နာမည်ကြီးသိပ္ပံကားတွေမှာ ပါဝင်သရုပ်ဆောင်ခဲ့တဲ့ တရုတ်မင်းသမီးလေး li bingbing စတဲ့နာမည်ကြီးသရုပ်ဆောင်တွေ ပါဝင်သရုပ်ဆောင်ထားတဲ့ ဒီသိပ္ပံစိတ်ကူးယဥ်ဇာတ်ကားဟာ နယူးဇီလန် နဲ့တရုတ်ပြည်တို့မှာ ရိုက်ကူးခဲ့တာပါ။ ရေအောက်သုတေသနအသင်းရဲ့ အဖွဲ့ဝင်တွေဟာ ပုံမှန်အများစုလက်ခံထားတဲ့ သမုဒ္ဓရာကြမ်းပြင်ဟာ အဆုံးမဟုတ်ဘူးဆိုတာကို ရှာဖွေတွေ့ရှိခဲ့ကြတယ်။ အဲ့ဒီအဆုံးရဲ့ အောက်ဘက်မှာ ဘာတွေများရှိလိမ့်မလဲဆိုတဲ့ စူးစမ်းစိတ်နဲ့ ဆင်းကြည့်ကြတဲ့အခါ ရင်ဆိုင် တွေ့လိုက်ရတဲ့အရာက မျှော်လင့်မထားခဲ့ဖူးတဲ့အရာ ဖြစ်နေတဲ့အခါ ဘယ်လိုများရှေ့ဆက်ကြမလဲ။ ၇၅ ပေလောက်ရှည်လျားတဲ့ သမိုင်းမတိုင်ကတည်းကရှိခဲ့တဲ့ ငါးမန်းကြီးရဲ့ တိုက်ခိုက်မှုကိုခံရတဲ့ အခါမှာတော့ ဘယ်လိုတွေဆက်ဖြစ်ကြမလဲ။ ပစိဖိတ်သမုဒ္ဓရာကြမ်းပြင်မှာလုပ်ရတဲ့ ကယ်ဆယ်ရေးလုပ်ငန်းကြီးကရော အဆင်ပြေပြေ ပြီးမြောက်ပါ့မလား။ ဂျိုနာတေလာဆိုတဲ့ ကျွမ်းကျင်ရေငုပ်သမားကရော သူတို့ကို ကယ်တင်ပေးနိုင်မှာလားဆိုတာ အသည်းတလှပ်လှပ်နဲ့ ရင်မောရမယ့် အက်ရှင်ဆန်ဆန် စိတ်ကူးယဥ်သိပ္ပံကားလေးတစ်ကားပဲဖြစ်ပါတယ်။ ၂၀၁၈ မှာစတင်ရုံတင်ပြသခဲ့တဲ့ the meg 2018 ဇာတ်ကား ဟာ၂၀၁၉ Golden Raspberry Awardsမှာလည်း ဇကာတင်ဆုစာရင်းမှာ ပါဝင်ခဲ့ပါသေးတယ်။