The Hurricane Heist

ဒီတစ်ခါတော့ ၂၀၁၂ လိုမျိုး သဘာဝကပ်ဘေးဇာတ်ကားမျိုးနဲ့ ပရိတ်သတ်ကြီးတို့ကို မိတ်ဆက်ပေးချင်ပါတယ်။ ဘရိစ်နဲ့ ဝေလီတို့ဟာ ကလေးဘဝတုန်းက ဟာရီကိန်းမုန်တိုင်းကြောင့် သူတို့ရဲ့မျက်စိရှေ့မှာတင် သူတို့အဖေသေဆုံးသွားရတာကို မြင်တွေ့ခဲ့ရကြရတဲ့အတွက် စိတ်ဒဏ်ရာကြီးကြီးမားမားရခဲ့ကြတဲ့ ညီအစ်ကိုနှစ်ယောက်ပါ။ အရွယ်ရောက်လာတဲ့အခါမှာတော့ ဘရိစ်က သူတို့ဇာတိမြို့လေးမှာပဲ သာမန်စက်ပြင်ဆရာလုပ်ပြီး ဝေလီကတော့ သူတို့ကြုံတွေ့ခဲ့ရတဲ့အဖြစ်မျိုး သူများတွေကိုမတွေ့ကြုံစေချင်တဲ့အတွက် မိုးလေဝသပညာရှင်ဖြစ်လာခဲ့ပါတယ်။ တစ်ရက်ကျတော့ သူတို့မြို့လေးဆီ အရင်ကကြုံဖူးတာတွေထက် ပိုကြမ်းတဲ့ ဟာရီကိန်းမုန်တိုင်းကြီးတစ်ခုဝင်ရောက်လာခဲ့ပါတယ်။ တစ်ဖက်မှာလည်း ကေစီကော်ဘင်ဆိုတဲ့ကောင်မလေးဟာ စစ်ပွဲအတွင်း သူ့အမှားကြောင့် သူချစ်ရသူသေခဲ့ရလို့ စစ်တပ်ကထွက်ပြီး အစိုးရဘဏ္ဍာရေးဌာနမှာဝင်လုပ်နေတဲ့သူတစ်ယောက်ဖြစ်ပြီး အချိန်မီ အဲ့ဒီမြို့ရဲ့အစိုးရဘဏ္ဍာတိုက်ကို ဖျက်ဆီးဖို့ငွေစက္ကူအဟောင်းတွေ လာသွင်းတာပါ။ မုန်တိုင်းကြောင့် တစ်မြို့လုံး ရှောင်ရှားနေချိန် လူတစ်စုက ဘဏ္ဍာတိုက်ကိုဝင်စီးတဲ့အခါမှာတော့ ကေစီ၊ ဝေလီ၊ ဘရိစ်တို့သုံးယောက်သား ရေစက်ဆုံပြီး ပေါင်းမိသွားပါတယ်။ မုန်တိုင်းကြောင့် အကူအညီကလည်းခေါ်မရတဲ့အတွက်ကြောင့် လူအများကို သုံးယောက်တည်းနဲ့ ဘယ်လိုများရင်ဆိုင်သွားမလဲ။ ကြမ်းတမ်းလှတဲ့မုန်တိုင်းရန်ကနေကော ဘယ်လိုလွတ်မြောက်အောင် ကြိုးပမ်းကြမလဲဆိုတာကို အားရပါးရ ကြည့်ရှုကြရမှာပါ။ ရိုက်ချက်တွေက သေသပ်ပြီး ဇာတ်လမ်းကလည်း စိတ်ဝင်စားစရာမလို့ လက်လွှတ်မခံသင့်တဲ့ကားကောင်းတစ်ခုပါလို့ တိုက်တွန်းချင်ပါတယ်ရှင့်။