The Green Mile

ဒီတစ်ခါ ပရိတ်သတ်ကြီးတို့ကို တင်ဆက်ပေးမဲ့ဇာတ်ကားလေးကတော့ ကျရာဇာတ်ရုပ်တိုင်းကို ပီပြင်စွာသရုပ်ဆောင်နိုင်လေ့ရှိတဲ့ မင်းသားကြီး Tom Hanks ရဲ့ ဖြစ်ရပ်မှန်ကိုရိုက်ကူးထားတဲ့ ဇာတ်ကားဟောင်းလေးပဲဖြစ်ပါတယ်။ ဇာတ်လမ်းရဲ့အစမှာ မင်းသားဟာ အိုမင်းတဲ့အချိန်အထိတိုင် ဖြစ်ရပ်တစ်ခုရဲ့ ခြောက်လှန့်တာခံနေရပြီး သူဒီလိုဖြစ်နေရခြင်းရဲ့ နောက်ကွယ်ကအကြောင်းကို စဉ်းစားနောက်ကြောင်းပြန်ရင်း အစပြုထားပါတယ်။ ပေါလ်ဟာ သေဒဏ်ကျထားတဲ့အကျဉ်းသားတွေကို ထိန်းသိမ်းရတဲ့ အကျဉ်းထောင်တစ်ခုရဲ့ ဦးစီးမှူးတစ်ဦးပါ။ တစ်နေ့မှာတော့ သူ့ဘဝကိုအပြောင်းအလဲအချိုးအကွေ့ဖြစ်စေမဲ့ ထူးဆန်းမှုတွေနဲ့ထောင်သားတစ်ယောက် သူ့ဆီကိုရောက်ရှိလာခဲ့ပါတယ်။ ဒီထောင်သားရောက်လာရတဲ့အကြောင်းအရင်းကတော့ ကလေးငယ်နှစ်ယောက်ကို ရက်စက်စွာ မုဒိန်းကျင့်ပြီး သတ်ဖြတ်ခဲ့လို့ပါတဲ့။ ဒါပေမဲ့ သူကတော့ သူပြန်ခေါ်ခဲ့ပေမဲ့ အရမ်းကိုနောက်ကျသွားခဲ့တာပါလို့ပြောပြီး အမြဲယူကျုံးမရငိုကြွေးနေလေ့ရှိပါတယ်။ မသင်္ကာဖြစ်တဲ့ပေါလ်ဟာ အမှုဖြစ်စဉ်ကိုဖတ်ရှုကာ ကိုယ်တိုင်လိုက်လံစုံစမ်းတဲ့အခါမှာတော့ ဘာတွေကိုများရှာဖွေတွေ့ရှိသွားမလဲ။ ဒီလူသတ်မှုကြီးရဲ့အမှန်တရားကရော ဘယ်လိုဖြစ်နေမလဲ။ ဒီထောင်သားရဲ့ထူးခြားချက်တွေကရော ဘာမလို့ ပေါလ်ရဲ့ဘဝကြီးကိုပါ အပြောင်းအလဲအချိုးအကွေ့ဖြစ်စေရတာလဲ စတဲ့မြှပ်ကွက်များစွာနဲ့စိတ်ဝင်စားစရာအကြောင်းအရာတွေကို ဒီဇာတ်ကားထဲမှာ တစ်ဝကြီး ခံစားကြည့်ရှုရမှာပဲဖြစ်ပါတယ်။