The Founder

အခု တစ်ခါမှာတော့၂၀၁၆ ခုနှစ်က ဖြန့်ချီခဲ့တဲ့ The Founder ဆိုတဲ့ ဟောလိဝုဒ် ဇာတ်ကားလေးနဲ့ မိတ်ဆက်ပေးချင်ပါတယ်။ The Founder ဇာတ်ကားလေးကတော့ လူတိုင်း ကြားဖူးနေကြဖြစ်တဲ့ McDonald’s (မက်ဒေါ်နယ်) ရဲ့ပိုင်ရှင် အသက် ၅၂ နှစ်အရွယ် Ray Kroc အကြောင်းကို ပုံဖော်ရိုက်ကူးထားတဲ့ ဖြစ်ရပ်မှန် ဇာတ်ကားလေးပဲ ဖြစ်ပါတယ်။ စားသောက်ဆိုင်လုပ်ငန်းနဲ့ပတ်သက်ပြီး အတွေ့အကြုံမရှိတဲ့ Ray Kroc ဟာ သူ စိတ်ဝင်စားတဲ့ McDonald’s ဆိုင်လေးကို Franchise ရအောင် ဘယ်လိုကြိုးစားသွားလဲ။ အခက်အခဲတွေကို ဘယ်လိုဖြတ်ကျော်သွားလဲ ဆိုတာကိုရိုက်ကူးထားတာပဲ ဖြစ်ပါတယ်။ ငွေကြေးအခက်အခဲတွေကို ဘယ်လိုရင်ဆိုင်ဖြေရှင်းကျော်ဖြတ်ခဲ့လဲဆိုတာတွေကို တစ်စေ့ တစ်စောင်း ရိုက်ကူးထားတာပဲ ဖြစ်ပါတယ်။ ဒီဇာတ်ကားလေးထဲမှာဆိုရင် ကိုယ်စားလှယ်ယူ ဆိုင်ခွဲဖွင့်တဲ့ အကြောင်းတွေ (Franchise) , ငွေကြေးစီမံခန့်ခွဲ ပုံတွေ , စီးပွားရေး ဈေးကွက်ချဲ့ထွင်ပုံတွေ။ လုပ်ငန်းလည်ပတ်ပုံတွေ စတဲ့ စီးပွားရေးဆိုင်ရာ ကိစ္စအဝဝ၊ စီမံခန့်ခွဲမှုများနဲ့ ငွေကြေးပိုင်းဆိုင်ရာ စီမံခန့်ခွဲမှုတွေအကြောင်းကို တစ်စုတစ်စည်းတည်း လေ့လာနိုင်မှာဖြစ်လို့ အောင်မြင်ချင်သူ၊ စီးပွားရေးလုပ်ငန်း စချင်သူတွေအတွက် လေ့လာလို့ ကောင်းမယ့် ဇာတ်လမ်းတစ်ပုဒ်ပဲ ဖြစ်ပါတယ် အဓိကသရုပ်ဆောင်အဖြစ် Michael Keaton က သရုပ်ဆောင်ထားတာဖြစ်ပြီး Nick Offerman, John Carroll Lynch , Linda Cardellini, Patrick Wilson , B.J. Novak နဲ့ Laura Dern တို့က အားဖြည့်ထားတာပဲ ဖြစ်ပါတယ်