The Faculty

ဒီတစ်ခါ ရွှေပန်းသီးပရိတ်သတ်ကြီးတို့ကို တင်ဆက်ပေးချင်တာကတော့ ၉ဝ ခုနှစ်ဖွားတွေနဲ့မစိမ်းတဲ့ အချောအလှမင်းသမီးတွေ ခပ်ဖြောင့်ဖြောင့်မင်းသားတွေပါဝင်ပြီး Lord of the Ring ထဲကလူပု ဖရိုဒိုပါတဲ့ စိတ်ကူးယဉ်သိပ္ပံဂြိုဟ်သားကားလေးပဲဖြစ်ပါတယ်။ ဇာတ်ကားကိုတော့ ကျောင်းသားကျောင်းသူအသစ်၊ ဖိုက်တာ၊ ဇိုး၊ ဆေးသမား၊ စော်ကြည်ဘဲ၊ ဘဲကြည်စော်၊ ချောင်မှာကပ်နေတဲ့ Introvert ပေါင်းစုံရှိတဲ့ ဇာတ်အိမ်တည်ရာ ဟယ်ရင်တန်ကျောင်းကြီးကိုပြရင်း စဖွင့်ထားပါတယ်။ ရုပ်ရှင်တွေထဲက အမေရိကန်ကျောင်းတွေရဲ့ထုံးစံတွေအတိုင်း ကျောင်းသားကျောင်းသူတွေက ဆရာဆရာမတွေကို ကလန်ကဆန်နဲ့ပေါ့။ အဲ့ဒီလိုနဲ့ ညအချိန် ဆရာအစည်းအဝေးပြီးအပြန်မှာတော့ ဆရာတွေအကြား ထင်မှတ်မထားတဲ့ ရုန်းရင်းဆန်ခတ်မှုတွေဖြစ်ပျက်ခဲ့ပါတယ်။ နောက်တစ်ရက်မှာ ဆိုးတဲ့ဆရာဆရာမတွေက ငြိမ်သွားပြီးတော့၊ ငြိမ်တဲ့ဆရာဆရာမတွေကျ ကြမ်းလာတာကို သတိထားမိတဲ့သူကတော့ ဘောလုံးကွင်းထဲ မျှော့လိုလို မျိုးစိတ်အသစ်တစ်ခုကိုတွေ့ခဲ့တဲ့ ကေစီဆိုတဲ့ ကြောက်တတ်တဲ့ကောင်လေးပဲဖြစ်ပါတယ်။ ဆိုတော့ ရုတ်တရက်ကြီး ဆရာဆရာမတွေ ထသတ်ပုတ်ကြတာ ဘာကြောင့်လဲ၊ အဲ့မျှော့လိုကောင်ကရော ဘာကောင်လဲ၊ ဘာတွေလုပ်နိုင်လဲ။ ကပ်ပါးဂြိုဟ်သားဖြစ်နေရင်ရော သူ့ထိန်းထားတဲ့လူတွေကို ဘယ်လိုဖော်ထုတ်ပြီး ချေမှုန်းရှင်းလင်းရမှာလဲ စတာတွေကို ဇာတ်လမ်းအတက်အကျပေါင်းစုံနဲ့ စိတ်ဝင်တစား ကြည့်ရှုခံစားရမှာပဲဖြစ်ပါတယ်။ ကလေးတုန်းက လေးထောင့်ခွေနဲ့ကြည့်ခဲ့ရတဲ့ ၉ဝ ခုနှစ်ကဂြိုဟ်သားကားလေးကို ရွှေပန်းသီးဗားရှင်းလေးနဲ့ ပြန်ခံစားကြည့်ကြလိုက်ပါဦးခင်ဗျ။