The Conjuring: The Devil Made Me Do It

Horror နှစ်သက်တဲ့ပရိသတ်တွေအတွက် ဒီတစ်ခါမှာတော့ Rating 6.3 ရရှိထားတဲ့ Conjuring ဇာတ်လမ်းတွေရဲ့နောက်ဆက်တွဲ Conjuring 3 နဲ့မိတ်ဆက်ပေးမှာဖြစ်ပါတယ်။ သဘာဝလွန်ဖြစ်ရပ် ကျွမ်းကျင်သူတွေဖြစ်ကြတဲ့ အက် နဲ့ လော်ရိန်းဝါရန် တို့လင်မယားနှစ်ယောက်ရဲ့ ပြင်ပ လောကမှာ တကယ်ကြုံတွေ့ခဲ့ရတာတွေကို အခြေခံပြီး ဒါရိုက်တာ Michael Chaves က မင်းသား Patrick Wilson ၊ မင်းသမီး Vera Farmiga တို့နဲ့အတူ ရိုက်ကူးထားတာပဲဖြစ်ပါတယ်။ ဂလတ်ဇဲလ်မိသားစုရဲ့ သားငယ်လေးဒေးဗစ်ဟာ မကောင်းဆိုးဝါးပူးကပ်ခံနေရပါတယ်။ ကလေးငယ်ရဲ့ဆိုးဝါးလွန်းတဲ့အဖြစ်ကို မကြည့်ရက်တာကြောင့် သူ့အစ်မရဲ့ချစ်သူ အာနီက သူ့ဆီဝင်ဖို့ မကောင်းဆိုးဝါးကိုဖိတ်ခေါ်လိုက်ပါတယ်။ အာနီတစ်ယောက်ကံဆိုးစွာနဲ့ မကောင်းဆိုးဝါးရဲ့ထိန်းချုပ်မှုကြောင့် လူသတ်မိသွားပြီး အမှုရင်ဆိုင်ရတော့မှာပါ။ ဂလတ်ဇဲလ်မိသားစုကို ကူညီ ပေးရင်း မကောင်းဆိုးဝါးရဲ့ဆက်စပ်မှုတွေကိုရှာဖွေနေတဲ့ အက်နဲ့လော်ရိန်းတို့ ဇနီးမောင်နှံဟာ အာနီ့ကိုပါကူညီဖို့ဖြစ်လာပါတော့တယ်။ တကယ်တော့မကောင်းဆိုးဝါးက စေတန်မာရ်နတ်ကိုးကွယ်သူတစ်ယောက်ရဲ့ တိရစ္ဆာန်ရုပ်ကိုသုံးပြီးဆင့်ခေါ်တဲ့ ကျိန်စာကြောင့်ရောက်ရှိလာတာ ပါ။ မကောင်းဆိုးဝါးက ဝိညာဉ် ၃ ခုကိုနုတ်ယူပြီးမှ ထွက်သွားနိုင်မှာဖြစ်လို့ အပူးကပ်ခံရတာကနေ လွတ်အောင် ကျိန်စာကို အဆုံးသတ်နိုင်မှပဲ ရပါမယ်။ အက်နဲ့လော်ရိန်းတို့ ဇနီးမောင်နှံနှစ်ဦးဟာ စေတန်ကိုးကွယ်သူကို ရှာဖွေဖော်ထုတ်နိုင်ပါ့မလား? ရှာနိုင်ခဲ့ရင်ရော ဘယ်လိုရင်ဆိုင် သွားကြမလဲ? ကျိန်စာကိုအဆုံးသတ်ပြီး အမှုတွေကိုဘယ်လိုကူညီဖြေရှင်းပေးမလဲဆိုတာကို သည်းထိတ်ရင်ဖို ကြည့်ရှုရမယ့်ဇာတ်လမ်းကောင်း လေး ဖြစ်ပါတယ်