The Cabin in the Woods

တောအုပ်ထဲက အိမ်လေးကို အပန်းဖြေခရီးထွက်လာတဲ့ သူငယ်ချင်း ၅ ယောက်ရယ် ကမ္ဘာကြီးကို ကာကွယ်ပေးနေတယ်လို့ဆိုတဲ့ လျှို့ဝှက် အဖွဲ့အစည်း ၁ ခုရယ် အိမ်မက်ဆိုးတပ်မတော်ကြီးနဲ့ ရှေးဟောင်းအရာတွေရယ် ဘယ်လိုစိတ်ဝင်စားဖို့ကောင်းအောင် ဆက်နွယ်သွားလဲဆိုတာ မြင်ရမှာပါ။ (နည်းနည်းလေး ပြောတာနဲ့တောင် spoil မိသွားမှာစိုးလို့ သိပ်တောင်မပြောရဲဘူး) ၂၀၁၂ ခုနှစ်ထွက် horror comedy အမျိုးအစား ရုပ်ရှင်ဖြစ်ပြီး World War Z ၊ Daredevil နဲ့ The Martian စတဲ့ နာမည်ကြီး ဇာတ်ကားတွေရဲ့ ဒါရိုက်တာ Drew Goddart ရဲ့ ဒါရိုက်တာသက်တမ်းတစ်လျောက် ပထမဆုံးရိုက်ကူးခဲ့တဲ့ ဇာတ်ကား ဖြစ်ပါတယ် ဒါရိုက်တာ Drew Goddart ဟာ Cloverfield franchai ကြီးကို ဇာတ်ညွှန်းရေးသားခဲ့သူလည်းဖြစ်ပါတယ် IMDb မှာ 7/10 နဲ့ Rotten Tomatoes မှာ 92% တောင်ရထားတဲ့ ဇာတ်ကားဖြစ်ပါတယ်။ Christ Hamsworth ၊ Kristen Connolly ၊ Anne Hutchison ၊ Jesse William နဲ့ Fran Kranz တို့ပါဝင်ထားပြီး ကျွန်မတို့ရဲ့ အသည်းကျော် Thor မင်းသားကြီးကို ငယ်ရွယ်နုပျိုတဲ့ တက္ကသိုလ်ကျောင်းသားလေး တစ်ယောက်အနေနဲ့ တွေ့ရမှာမို့ horror မကြိုက်ဘူးဆိုတဲ့ သူတွေတောင် ကြည့်သင့်တဲ့ကားလေးပါ။ လူ့အသိုက်အဝန်းကြီးရဲ့ တည်ရှိမှုတွေ၊ တာဝန်ရှိမှုနဲ့စတေးပေးရမှုတွေကို မေးခွန်းထုတ်ချင်စရာလည်း ဖြစ်စေ ပါတယ်။ ကျွန်မတို့ရဲ့ နေ့စဉ်ဘဝမှာ ရုပ်သေးရုပ်တွေလို ထိန်းချုပ်ခံထားရပြီလား? တကယ်ပဲ Corported Wall ကြီးထဲမှာ ရှင်သန်နေရတာ လား? လူသားတွေက လကမ္ဘာပေါ်တကယ်မရောက်ဘူးလား? စတဲ့ နောက်ဆက်တွဲတွေးစရာတွေလည်း ရှိလာဦးမှာပါနော်။ ရှေးရိုးဆန်တဲ့ Horror ကားတွေထဲက ခွဲထွက်လာနိုင်ခဲ့တဲ့ ဇာတ်ကားကောင်းလေးဖြစ်တဲ့အတွက် stay home ကာလကြီးမှာ မိုးရွာနေတုန်း hoodie လေးဝတ် ကော်ဖီလေးသောက်ပြီး ကြည့်ဖြစ်အောင်ကြည့်ဖို့ recommend ပေးပါတယ်နော်