Thank God

မင်းသားကြီး အဂျေးနဲ့ မနှစ်ကမှ ပူပူနွေးနွေးအကယ်ဒမီရထားတဲ့ Shershaah မင်းသား ဆစ်ဒ်တို့ရဲ့ Thank God ဆိုတဲ့ ဟာသဒရာမာရုပ်ရှင်လေးကို တင်ဆက်ပေးချင်ပါတယ်။ အာယန်းကပူးရ်ဆိုတဲ့ အိမ်၊ ခြံ၊ မြေ ပွဲစားတစ်ယောက်ဟာ လောဘကြီးပြီး ငွေကလွဲရင် ဘာမှမသိတဲ့ အတ္တသမားတစ်ယောက်ဖြစ်ပါတယ်။ သူဟာ အိမ်၊ ခြံ ၊မြေလောကမှာ အထိုက်အလျောက် နာမည်ရခဲ့ပေမဲ့ ငွေမည်း ကြေညာမှုကြောင့် သူဟာ စီးပွားပျက်ပြီး ဒေဝါလီခံလိုက်ရပါတယ်ဗျ။ တစ်နေ့မှာတော့ သူဟာ ကားမတော်တဆမှုတစ်ခုဖြစ်ပြီး နတ်ပြည်ကိုရောက်သွားကာ နတ်မင်းနဲ့ တွေ့သွားခဲ့ပါတယ်။ သူဟာ နတ်မင်းနဲ့အတူ ဘဝရဲ့ကစားပွဲလို့ခေါ်တဲ့ ဂိမ်းရှိုးတစ်ခုမှာ ကစားရင်း သူ့ဘဝရဲ့ အကောင်းအဆိုးတွေကို ပြန်ဆန်းစစ်ရင်း သူ မေ့နေခဲ့တဲ့ ဘဝထဲကအရာတွေကို ပြန်တွေ့အောင် အဖြေရှာရပါတော့တယ်ဗျ။ ဒီ Thank God ဆိုတဲ့ရုပ်ရှင်ဟာ Sorte Kugler ဆိုတဲ့ ဒိန်းမတ်ရုပ်ရှင်ကို Official remake ပြန်ရိုက်ထားတာပဲဖြစ်ပါတယ်။ ရုပ်ရှင်ရဲ့ အစပိုင်းမှာ နည်းနည်း ဟာသနှောထားပေမဲ့ ဇာတ်လမ်းတစ်ဝက်ကျော်တဲ့အချိန်မှာတော့ ဇာတ်လမ်းဟာ Emotional ဆန်စရာ ဒရာမာအဖြစ် ပြောင်းလဲသွားတာကြောင့် အိန္ဒိယရုပ်ရှင် ပရိသတ်တွေအတွက် အချိန်ပေးရတာ သေချာပေါက်တန်မယ့်ရုပ်ရှင်ဖြစ်ပါတယ်ဗျ…။