Take Care of My Cat

ကျောင်းတွေ ပြီးသွားကြတဲ့အခါမှာ သူငယ်ချင်းတွေ အလိုအလျောက် ကွဲကွာသွားကြရတာ သဘာဝဖြစ်ပါတယ်။ မိမိ မိသားစုကြောင့်ဖြစ်ဖြစ်၊ မိမိ စားဝတ်နေရေးကြောင့်ဖြစ်ဖြစ် အခြေအနေအရပ်ရပ်ကြောင့် အလုပ်တွေ ရှုပ်လာကြတဲ့အခါ ကိုယ် ကိုယ်တိုင်တောင် မသိလိုက်တဲ့အချိန်မှာ သူငယ်ချင်းတွေနဲ့ အရင်ကလို တပူးပူးတတွဲတွဲ ဖြစ်မနေတော့ပါဘူး။ တချို့ကတော့ ဆုံးဖြတ်ချက်ချပြီး လုပ်ငန်းခွင်ဝင်လိုက်ကြသလို တချို့ကတော့ မိမိလုပ်ချင်တာကိုရှာဖွေရင်း လမ်းပျောက်သွားတတ်ကြတာ သဘာဝပါဆိုတာကို ရိုက်ကူးထားတဲ့ ဇာတ်လမ်းလေးဖြစ်ပါတယ်။ ဟေဂျိုဟာ အခွန်လုပ်ငန်းတစ်ခုမှာ တက်သစ်စလေးအဖြစ် ဝင်လုပ်နေပြီး မိဘတွေ အဆင်မပြေတဲ့ အိမ်က မိန်းကလး ဖြစ်ပါတယ်။ ထယ်ဟီးဟာ လွတ်လွတ်လပ်လပ်နေချင်သူဖြစ်ပြီး မိသားစုများတဲ့အိမ်မှာ ချုပ်ချယ်ခံနေရလို့ စိတ်ညစ်နေရသူပါ။ ဆင်းရဲချိုတဲ့စွာနဲ့ မိဘတွေမရှိ အဘိုးနဲ့ အဘွားနဲ့သာ ကြီးပြင်းလာရတဲ့ ဂျီယောင်းနှင့်အတူ အမြွှာညီမနှစ်ယောက်ဖြစ်တဲ့ ဘီယူနဲ့ အွန်းဂျိုတို့လည်း သူငယ်ချင်းအုပ်စုထဲ ပါဝင်ကြပါတယ်။ သူငယ်ချင်းတွေကြား ဖြစ်တတ်တဲ့ အထစ်အငေါ့လေးတွေ၊ လူစုံရင် ဘယ်လိုတွေ ပျော်ဖို့ကောင်းကြတာတွေ၊ ဟေဂျိုအတွက် မွေးနေ့လက်ဆောင်ဖြစ်တဲ့ ဂျီယောင်းရဲ့ ကြောင်လေးတီတီကို နောက်ဆုံး ဘယ်သူက ကျွေးမွေး စောင့်ရှောက်ထားမလဲဆိုတာကိုတော့ Take Care of My Cat (2001) ဇာတ်လမ်းထဲမှာပဲ ရှာဖွေလိုက်ကြပါနော်။