Sweet & Sour

Sweet and Sour ဆိုတဲ့ ဒီတောင်ကိုရီးယားဇာတ်ကား‌လေးကတော့ 2021 မှာ ထွက်ခဲ့တဲ့ အချစ်ဇာတ်ကားလေးဖြစ်ပါတယ်။ IMDb 6.7/10 ရထားတဲ့ကားဖြစ်ပြီး ဂူမီဟိုလို့သိကြတဲ့ မင်းသားချောလေး ဂျန်းဂီယုံး၊ မင်းသမီး‌ ချော ချယ်ဆူဘင်း၊ f(x) အဖွဲ့ဝင်လည်းဖြစ် သရုပ်ဆောင်လည်းဖြစ်တဲ့ ခရစ်စတယ်တို့ အဓိကပါဝင်သရုပ်ဆောင်ထားပြီး အခြားသရုပ်ဆောင်ကောင်းများစွာလည်း ပါဝင်သရုပ်ဆောင် ထားပါတယ်။ ဇာတ်ကားနာမည်အတိုင်း ဒီဇာတ်ကားလေးက အတွဲကြားထဲက ချိုမြိန်ခြင်းတွေ၊ ခါးသီးခြင်းတွေကို ပုံဖော်ရိုက်ကူးထားတာပါ။ ချစ်ကြည်နူးနေကြတဲ့ အတွဲတစ်တွဲဟာ လက်တွေ့ဘဝမှာ ‌ဘဝအခွင့်အလမ်းနဲ့ စိန်ခေါ်မှုတွေကို ရင်ဆိုင်ရင်း အမှတ်မထင် အနေဝေးဖို့ အကြောင်းဖန်ပြီး LDRS ဖြစ်သွားတဲ့အချိန်မှာတော့ သူတို့ရဲ့ ဆက်ဆံရေး‌ သွေးမအေးဖို့အတွက် လောကဓံ အနိမ့်အမြင့်တွေကို ကြံ့ကြံ့ခံရင်း သည်းခံကြပုံတွေ၊ အချင်းချင်း နားလည်မှုရအောင် ကြိုးစားကြပုံတွေကို ဒီဇာတ်ကားလေးထဲမှာ တွေ့ရမှာဖြစ်ပါတယ်။ ချစ်သူနှစ်ဦးကြားက နားလည်မှု‌တွေ ချစ်ခြင်းတွေ၊ အပေးအယူတွေကို ဒီ Sweet and Sour ဇာတ်ကားလေးထဲမှာ ကြည့်ရှုနိုင်ပါပြီနော်။