Survivor

ဒီအက်ရှင်ကားလေးက‌ 2015 မှာထွက်ရှိထားပြီး rating 5.7 ရထားတဲ့ ဇာတ်လမ်းကောင်းလေးပါ။ ဒီကားထဲမှာ နာမည်ကြီးအက်ရှင်မင်းသား Pierce Brosnan က ကမ္ဘာ့အလိုအရှိဆုံး လုပ်ကြံသတ်ဖြတ်သမားအဖြစ်သရုပ်ဆောင်ထားပြီး နာမည်ကြီး အက်ရှင်မင်းသမီးချော Milla Jovovich က ဝါရှင်တန်ဒီစီရဲ့ အတော်ဆုံးလုံခြုံရေးအရာရှိအက်ဘတ်အဖြစ် ပါဝင်ထားပါတယ်။ အက်ဘတ်ဟာ ပြည်ဝင်ခွင့်လျှောက်လွှာ လုပ်ပေးတဲ့ဌာနကို အသစ်ရောက်လာတဲ့ လုံခြုံရေးအရာရှိတစ်ယောက်ပါ။ အက်ဘတ်ကအကြမ်းဖက်သမားကို ရှာဖွေစုံစမ်းနေစဉ်မှာပဲ လုပ်ကြံ သတ်ဖြတ်သမားက သူနဲ့သူ့မိတ်ဆွေဗီဇာဝန်ထမ်းတွေကို သတ်ပစ်ဖို့ကြိုးစားခဲ့ပါတယ်။ သူ့မိတ်ဆွေတွေသေသွားပေမယ့် အသက်ရှင်ကျန် ရစ်ခဲ့တဲ့ အက်ဘတ်ကတော့ အာဏာပိုင်တွေရဲ့ သံသယဖြစ်စရာလူတစ်ယောက်အဖြစ် ချောက်ချခံရပြီး ထွက်ပြေးတိမ်းရှောင်နေရပါတယ်။ အက်ဘတ်ဟာ တစ်ဖက်မှာ အကြမ်းဖက်တိုက်ခိုက်မှုကို ဟန့်တားဖို့ ကြိုးပမ်းရင်း တခြားတစ်ဖက်မှာလည်း သူအပြစ်မရှိကြောင်း သက်သေပြဖို့ ကြိုးစားနေရပါတယ်။ အကြမ်းဖက်သမားက နယူးရော့ခ်က လူပေါင်းသန်းချီရှိတဲ့နေရာကို ပစ်မှတ်ထားနေတာကို အခက်အခဲအတားအဆီး များစွာကြားထဲကနေ အက်ဘတ်တစ်ယောက် ဘယ်လိုရုန်းထွက်ပြီးကယ်တင်မလဲ? သူ့ရဲ့တာဝန်ကြီးအောင်မြင်ပါ့မလား? ဆိုတာ အလန်းစား ကြည့်ရှုရမှာဖြစ်ပါတယ်။