Video Sources 319 Views Report Error
Synopsis
(၂၀၁၆) ခုနှစ်မှာထွက်ရှိခဲ့တဲ့ Split ဆိုတဲ့ဇာတ်ကားလေးဟာ တခြားကားတွေနဲ့မတူ တမူထူးခြားတဲ့ ဇာတ်အိမ်နဲ့အတူ IMDb rating 7.3 အထိရရှိခဲ့တဲ့ ဇာတ်ကားတစ်ကားဖြစ်ပါတယ်။ ဇာတ်ကားထဲမှာပါဝင်တဲ့ အဓိကဇာတ်ဆောင်ဟာ DID လို့ခေါ်တဲ့ ကိုယ်တူစိတ်ကွဲရောဂါကို ခံစားနေရသူဖြစ်ပါတယ်။ သူ့မှာမတူညီတဲ့စိတ် (၂၃) ခုရှိပြီး ဘယ်သူကအသိစိတ်ကို ပိုင်ဆိုင်ခွင့်ရမလဲဆိုတာကိုတော့ ဘယ်ရီလို့ခေါ်တဲ့ စိတ်ကောင်းရှိပြီး ထက်မြက်တဲ့ကိုယ်ပိုင်စရိုက်ရှိတဲ့စိတ်က ဆုံးဖြတ်ပေးပါတယ်။ ဒီထဲမှာမှ ရက်စက်ကြမ်းကြုတ်တဲ့စရိုက်တွေကြောင့် အသိစိတ်ကိုစိုးမိုးခွင့်မရဘဲ ဖိနှိပ်ခံထားရတဲ့စိတ်တွေလည်း ရှိနေပါတယ်။ ဒါပေမဲ့ ဒီစိတ်တွေဟာ အကြောင်းရင်းတစ်ခုကြောင့် အသိစိတ်ကိုမောင်ပိုင်စီးခွင့်ရသွားပြီး ကျောင်းသူသုံးယောက်ကို ဖမ်းဆီးခေါ်ဆောင်လာတဲ့အခါမှာတော့ မထင်မှတ်ထားတဲ့အပြောင်းအလဲတွေ ဖြစ်ပေါ်လာပါတော့တယ်။ ဖိနှိပ်ခံထားရတဲ့ကောင်းတဲ့စိတ်တွေက သူတို့စိတ်ကျန်းမာရေးတိုင်ပင်ဆွေးနွေးသူ ဒေါက်တာဖလက်ချာကိုအီးမေးလ်ပို့ပြီး အကူအညီတောင်းဖို့ကြိုးစားပေမဲ့လည်း “အဖျက်သမားအဖွဲ့” ခေါ် ရက်စက်ကြမ်းကြုတ်တဲ့စိတ်တွေက ပိပိရိရိလိုက်လံဖုံးဖိနေတာကြောင့် မအောင်မြင်ပါဘူး။ ဒီလိုနဲ့ ဒီအဖျက်သမားအဖွဲ့က မိန်းမပျိုလေးတွေကို ယဇ်ပူဇော်သလိုသဘောမျိုးနဲ့စတေးပြီး သားရဲကြီးလို့ခေါ်တဲ့ (၂၄) ခုမြောက် ကြောက်စရာစရိုက်ရှိတဲ့စိတ်ကို ဆွဲထုတ်ဖို့ကြိုးစားလာတဲ့အခါမှာတော့ ဘာတွေဆက်ဖြစ်လာမလဲ။ မိန်းမပျိုလေးတွေအနေနဲ့ ထွက်ပြေးလွတ်မြောက်သွားနိုင်မလား။ သားရဲကြီးကရော တကယ်ပေါ်ထွက်လာမလားဆိုတာကို ဇာတ်ကားလေးထဲမှာ ရင်ခုန်ခံစားကြည့်လိုက်ကြပါဦးနော်။ ဒီဇာတ်ကားက rating အမြင့်ရရှိထားတဲ့ ဇာတ်ကားပီပီ quality မြင့်ဇာတ်ကားတစ်ကားဖြစ်ပြီး ဇာတ်ဆောင်မင်းသား James McAvoy ရဲ့ သရုပ်ဆောင်မှုတွေကလည်း တော်တော်လေးပီပြင်တယ်ဆိုရပါမယ်။ အသိစိတ်ကိုစိုးမိုးထားတဲ့စိတ် ပြောင်းသွားတာနဲ့အမျှ ဝတ်ပုံစားပုံနဲ့ စကားပြောပုံကအစ ပီပြင်အောင်လိုက်ပြောင်းသွားတာမို့ ကြည့်ရင်းတန်းလန်း ဘာတွေဆက်ဖြစ်လာမလဲ ဘယ်သူတွေပေါ်လာမလဲ ဆိုတာကို ရင်တမမနဲ့စောင့်ကြည့်ရတဲ့ ဇာတ်ကားကောင်းလေးတစ်ကားပါပဲနော်။
Original title Split
IMDb Rating 7.3 487,572 votes
TMDb Rating 7.327 15,289 votes
Director
Director
Cast
Kevin Wendell Crumb
Casey Cooke
Karen Fletcher
Claire Benoit
Marcia
Uncle John
Casey's Father
Mr. Benoit
Hannah
Academic Moderator
Links
Similar titles
