Song Ci

ဒီတရုတ်ကားလေးကတော့ ၂၀၂၂ ထဲမှာ ထွက်ထားတဲ့ ဇာတ်ကားကောင်းလေး တစ်ကားပဲ ဖြစ်ပါတယ်။ ဒီဇာတ်ကားထဲက စုန့်စီဟာဆိုရင် တရုတ်သမိုင်းထဲမှာ အမှန်တကယ်ရှိတဲ့ ဇာတ်ကောင်ပဲ ဖြစ်ပါတယ်။ သမိုင်းထဲက စုန့်စီဟာဆိုရင် တရုတ်ဆေးပညာရှင်၊ တရားသူကြီး၊ မှုခင်းဆေးသိပ္ပံပညာရှင်၊ မနုဿဗေဒပညာရှင်၊ တောင်ပိုင်းစုန့်မင်းဆက်ရဲ့ စာရေးဆရာတို့ ဖြစ်တဲ့အပြင် သူဟာ ကမ္ဘာပေါ်မှာ ပထမဆုံးသော မှုခင်းဆေးပညာဗေဒပညာရှင် ဖြစ်ပြီး ပြုပြင်ထားတဲ့ မတရားမှုဆိုင်ရာ အမှုတွေမှာ တရားစီရင်ရေးဆိုင်ရာ အမှုအခင်းတွေအတွက် အလောင်းတွေကို စစ်ဆေးတဲ့ အတွေ့အကြုံကို မှတ်တမ်းတင်ခြင်းနဲ့ လူသိများခဲ့ပါတယ်။ ဒီကားဟာဆိုလည်း သူ့အကြောင်းကို စိတ်ဝင်စားဖို့ကောင်းအောင် ဇာတ်လမ်းဆင်ပြီး ရိုက်ကူးထားတဲ့ ဇာတ်ကားလေးပါ။ အမှုဖော်တဲ့ ဇာတ်ကားမျိုး ကြိုက်တဲ့သူအတွက်တော့ ဒီကားလေးက အဆင်ပြေမှာပါ။ ဇာတ်လမ်းအကျဉ်းအနေနဲ့ကတော့ စုန့်စီဟာ အစိုးရအလုပ်ကနေ နှုတ်ထွက်ပြီး အငြိမ်းစားယူထားတဲ့အချိန်မှာ သူ့ဆီကို ရေတွင်းထဲက နဂါးတစ်ကောင်ရဲ့ လူသတ်တဲ့ အမှုနဲ့ ပတ်သက်ပြီး စုံစမ်းစစ်ဆေးပေးဖို့ အကူအညီလာတောင်းပါတယ်။ သို့ပေမယ့် ဒီအမှုရဲ့နောက်ကွယ်မှာ ဘယ်လိုလျှို့ဝှက်ချက်တွေ ရှိနေပြီး ဘယ်သူက ကြိုးကိုင်ချယ်လှယ်နေလဲဆိုတာ စိတ်ဝင်စားဖွယ် ကြည့်ရှုရမယ့် ဇာတ်ကားလေး ဖြစ်ကြောင်း ပြောလိုက်ပါရစေ။