Snake in the Eagle’s Shadow

ဒီကားလေးက တရုတ်ရုပ်ရှင်ဇာတ်ကားတွေရဲ့ ပရိသတ်တိုင်း သိကြတဲ့ ဂျက်ကီချန်းရဲ့ ငယ်ဘဝတုန်းက ဇာတ်ကားလေးပါ။ ဒီကားထဲမှာ သိမ်းငှက်လက်သည်းကျောင်းနဲ့ မြွေလက်သီးကျောင်း နှစ်ကျောင်းက လုံးဝမတည့်ကြပါဘူး။ ဂျက်ကီချန်းကတော့ ဟွမ်ထိုင်းဆိုတဲ့ ကျောင်းမှာ အောက်ခြေသိမ်း အလုပ်တွေပဲ လုပ်ရတဲ့ “ချန်ဖူ”ဆိုတဲ့ ဇာတ်ကောင်နေရာကနေ သရုပ်ဆောင်ထားတာပါ။ “ချန်ဖူ”လေးက အဲ့ဒီကျောင်းမှာရှိတဲ့ ဆရာတွေရဲ့ အနိုင်ကျင့်တာကိုလည်း ခံရပါသေးတယ်။ ဒါပေမဲ့ အဲ့လို နိမ့်ကျလွန်းတဲ့ ဘဝကို ရောက်နေတဲ့ “ချန်ဖူ”တစ်‌ယောက် သိမ်းငှက်လက်သည်းကျောင်းနဲ့ မြွေလက်သီးကျောင်း နှစ်ကျောင်း ရဲ့ အရှုပ်ထုပ် ကြားထဲကို ဘယ်လိုနည်းနဲ့ ရောက်သွားခဲ့တာများလဲ? ပါရမီရှိပြီး ကြိုးစားချင်စိတ်လည်းရှိ၊ စိတ်ထားလည်း ဖြူစင်ရိုးသားတဲ့ “ချန်ဖူ”ဟာ သိုင်းပညာကို ဘယ်လို လေ့လာခွင့်ရှိသွားပြီး နောက်ဆုံးမှာ ဘယ်လိုဘဝမျိုးကို ရောက်သွားမလဲဆိုတာ သိရအောင် ဒီဇာတ်ကားလေးကိုပဲ ဆက်လက်ကြည့်ရှုကြရအောင်နော်။