She’s Dating the Gangster

She’s dating a Gangster ဆိုတဲ့ဒီကားလေးက ၂၀၁၄ ခုနှစ်မှာစတင်ထွက်ရှိထားပြီး‌တော့ Wattpad မှာနာမည်ကြီးခဲ့တဲ့ ဝတ္ထုတစ်ခုကို အသက်သွင်းထားတဲ့အချစ်-ဟာသကားလေးဖြစ်ပါတယ်။ ဒီဇာတ်လမ်းလေးမှာဖိလစ်ပိုင်ရဲ့နာမည်ကြီးတဲ့မင်းသားနဲ့မင်းသမီးအတွဲ Daniel Padilla နဲ့ Kathryn Bernardo အဓိက ဇာတ်ဆောင် အဖြစ်သရုပ်ဆောင်ထားပါတယ်။ ၂၀၁၄ ခုနှစ်၊ဇူလိုင်လ ၁၆ ရက်နေ့မှာစတင်ပြသခဲ့ ပြီးတော့ပထမနေ့မှာတင် ဒေါ်လာ 15 မီလီယံ အထိအောင်မြင်ခဲ့တဲ့ ကားလေးဖြစ်ပါတယ်။ ဒါတင်မကဘဲ ၂၀၁၄ ခုနှစ်မှာတနိုင်ငံလုံး ဝင်ငွေ အကောင်းဆုံးဇာတ်ကားနံပါတ် ၈ နေရာကနေရပ်တည်နိုင်ခဲ့အပြင် အမေရိကား၊ ကနေဒါ၊ အရှေ့ အလယ်ပိုင်းနိုင်ငံ၊ သြစတြေးလီးယား၊ နယူးဇီလန်နဲ့ စင်ကာပူနိုင်ငံတွေမှာပါပြသခွင့်ရခဲ့ပါတယ်။ ရှေးခေတ်လူငယ်တွေအပြင်အဆင်နဲ့အတူ ပေါ့ပေါ့ပါးပါး လူငယ်ဘဝတွေအကြားမှာ အချစ်ဆိုတဲ့အရာပေါ်ပေါက်လာတဲ့အခါဘယ်လိုမိုက်ရူးရဲဆန်နိုင်ပြီး ဘယ်လိုရင့်ကျက်သွားမလဲ၊ တကယ့်အချစ်စစ်ဆိုတာဘာလဲကို ဖော်ပြ ပေးထားတဲ့ကားကောင်းလေးပါ။ ဇာတ်လမ်းအကျဥ်းလေးကတော့ ခန်ဂျီ ဒလော့စ် ရေးယစ် ဟာ သူ့သူငယ်ချင်းမင်္ဂလာဆောင်မှာဂုဏ်ပြုစကား ပြောနေခဲ့ပါတယ်။ ခန်နက် ဆိုတဲ့ခန်ဂျီရဲ့သားကကောင်မလေးတစ်ယောက်နဲ့ကလူပြီးမင်္ဂလာပွဲမှာ အနှောင့်အယှက်ဖြစ်စေခဲ့ပါတယ်။ အဖေနဲ့ သားရဲ့မကျေနပ်မှုတွေ၊ နားမလည်မှုတွေအကြားပြဿနာတက်ခဲ့ပါတယ်။ နောက်နေ့မှာတော့ ခန်ဂျီလေယာဥ်ပျက်ကျတဲ့အကြောင်း ခန်နက် ဆီသတင်းရောက်လာခဲ့ပါတယ်။ သတင်းကြားကြားချင်းလေကြောင်းလိုင်းရုံးကိုသွားတဲ့အခါမှာခန်ဂျီရဲ့ သမီးလို့ပြောနေတဲ့ ကေလေး ဆိုတဲ့ ကောင်မလေးတစ်ယောက်ကိုတွေ့ပါတယ်။ နှစ်ယောက်သားငြင်းရင်းခုန်ရင်း ခန်ဂျီကို လိုက်ရှာတဲ့ လမ်းတလျှောက်မှာ ကေလေး ပြောပြတဲ့ သူ့အဒေါ် အန်သီနာ ဆိုတဲ့ကောင်မလေးရဲ့အကြောင်း၊ ဒီအန်သီနာ ကရောခန်ဂျီရဲ့ခမ်းနားတဲ့အချစ်ဘယ်လိုဖြစ်မလဲ? ခန်နက်ရဲ့အမေနဲ့ရော ဘယ်လိုပတ်သတ်နေမလဲ? ကေလေး နဲ့ ခန်နက်ကရောတကယ့်မောင်နှမတွေလား? လွန်ခဲ့တဲ့နှစ်တွေကသူတို့တွေကြားဘယ်လိုဖြစ်ခဲ့တာလဲ? အချစ်စစ်ပေမယ့်ဆုံခွင့်မရတဲ့အချိန်မှာတွေ့ကြုံလာတဲ့အခါ လုပ်ရတဲ့ရွေးချယ်မှုတွေ ၊ အနစ်နာခံခဲ့မှုတွေ၊ သတ္တိရှိမှု၊ ဒဏ်ရာကုစားမှု၊ အချစ်စစ် ကိုနားလည်မှုတွေကို ဟာသလည်းတစ်လှည့်၊ ခံစားမှုလေးတစ်ဖုံနဲ့ ကြည့်ရမယ့်ဇာတ်ကားလေးပါ။ ဒီဇာတ်ကားလေးကိုကြည့်ပြီး ရင်ထဲမှာ တစ်ခုခုတော့ကျန်နေခဲ့ပါမှာပါ………..