Shark: The Beginning

ငယ်ငယ်ကတည်းက ကြောက်တတ်ပြီးအားနည်းတဲ့ လူကောင်သေးသေး ကောင်လေး ချာဝူဆိုးလ်ဟာ ကျောင်းတွင်းအနိုင်ကျင့်ခြင်းကို တောက် လျှောက်ခံခဲ့ရပါတယ် သူ့ကိုအနိုင်ကျင့်တဲ့သူကတော့ ကျောင်းကိုယ်စားပြုအငယ်တန်းလက်ဝှေ့ချန်ပီယံ ဘယ်ဆော့ချန်းပါ လက်ဝှေ့ကစားတာ တော်တဲ့အပြင် စိတ်ထားလည်းကြမ်းသူမို့ ဝူဆိုးလ်ကို မခံနိုင်တော့တဲ့အထိ အနိုင်ကျင့်လို့ နောက်ဆုံးတော့ ဝူဆိုးလ်ကျောင်းပြောင်းခဲ့ရပါတယ် ရေစက်ဆိုးကြောင့် ပြောင်းလာတဲ့ ကျောင်းကိုပါ ဆော့ချန်းကထပ်ပြောင်းလာချိန်မှာတော့ ထပ်အနိုင်ကျင့်ခံရပြီး ဝူဆိုးလ်ဟာ ဆော့ချန်းကို မျက်စိကန်းအောင်အထိ လုပ်လိုက်မိပါတယ် အဲ့အပြစ်အတွက် ဝူဆိုးလ်ထောင်ကျပြီး အနိုင်ကျင့်ခဲ့တဲ့ ဆော့ချန်းလည်း ကျောင်းထွက်လိုက်ရပါ တယ် တစ်ဘက်မှာတော့ ကမ္ဘာ့အဆင့်မီလက်ဝှေ့ကစားသမား ဂျောင်းဒိုယောင်းဟာ မိခင်နဲ့ညီမဖြစ်သူကို သတ်ခဲ့တဲ့ ဓါးပြတွေကိုပြန်သတ်ရင်း သူကိုယ်တိုင်လည်း ထောင်ကျခဲ့ပါတယ် ဝူဆိုးလ်ထောင်ကျသွားပေမယ့် မကျေနပ်တဲ့ ဆော့ချန်းတစ်ယောက် ဝူဆိုးလ်ထောင်က ပြန်ထွက် လာရင် မကျေပွဲပြန်နွှဲမယ်လို့ လာခြိမ်းခြောက်သွားတဲ့အခါ ဝူဆိုးလ်ဟာ အရင်လိုအနိုင်ကျင့်ခံရမယ့်ဘဝကနေ လွတ်မြောက်နိုင်မယ့်နည်းလမ်းကို ကြံရင်းထောင်ထဲ ရောက်လာတဲ့ဂျောင်းဒိုယောင်းဆီကနေ လက်ဝှေ့ပညာသင်ယူပါတော့တယ် လက်ဝှေ့ပညာသင်ယူပြီး ထောင်ကပြန်ထွက်တဲ့ အခါကျ ဆော့ချန်းနဲ့ဘယ်လိုမကျေပွဲနွှဲကြမလဲ ထောင်တွင်းမှာအနိုင်ကျင့်တာတွေကို ရောဝူဆိုးလ်တစ်ယောက်ဘယ်လိုတုံပြန်သွားမလဲ? အားနည်းပေမယ့် အရှုံးမပေးတတ်တဲ့ ဝူဆိုးလ်တစ်ယောက် ဂျောင်းဒို ယောင်းဆီက နေပညာသင်ပြီးဘယ်လိုတွေ ပြောင်းလဲသွားမလဲဆိုတာကို စိတ်ဝင်စားဖွယ်ကြည့်ရှုရမှာပါ ဒီဇာတ်ကားဟာဆိုရင်ကာတွန်းဗားရှင်းအနေနဲ့ထွက်လာကတည်းက ပရိတ်သတ်တွေရဲ့ စိတ်ဝင်စားမှုကို ရရှိခဲ့တာ ဖြစ်ပြီး ဇာတ်ကားအနေနဲ့ပြန်လည်ရိုက်ကူးချိန်မှာလည်း squid game မင်းသားဝီဟာဂျွန်းပါပါဝင်လာပြီး ကာရိုက်တာမတူညီတဲ့ မင်းသား သုံးယောက်ရဲ့ ကောင်းမွန်တဲ့သရုပ်ဆောင်မှုတွေကို ခံစားရမှာဖြစ်ပါတယ်