Selena

ဒီဇာတ်ကားလေးအကြောင်း ညွှန်းရရင်တော့ဖြင့် 1981–1995 လောက်တုန်းက နာမည်ကြီး ကျော်ကြားခဲ့တဲ့ အဆိုတော် ဆယ်လီနာရဲ့ အကြောင်းကို ပြန်ရိုက်ထားတာပါ။ ဒီဇာတ်ကားမှာ ဆယ်လီနာ နေရာကို အဆိုတော် ဂျနီဖာ လိုပက်က သရုပ်ဆောင်ထားပြီးတော့ သူ့ကို နာမည်ကြီးစေခဲ့တဲ့ ဇာတ်ကားတစ်ကားလည်း ဖြစ်ပါတယ်။ ဆယ်လီနာရဲ့ နာမည်ကြီးသီချင်းတွေဖြစ်တဲ့ Bidi Bidi Bom Bom နဲ့ Dreaming of You စတဲ့ သီချင်းတွေကိုလည်း ထည့်သွင်းရိုက်ကူးထားပါတယ်။ ဇာတ်ကားလေးက ကောင်းလား မေးမယ်ဆိုရင်တော့ အင်မတန်ကောင်းတယ် လို့ ပြောရမှာပါ။ ဆယ်လီနာရဲ့ အကြောင်းကို အဓိက ပုံဖော်ရိုက်ကူးထားတဲ့ biography ဇာတ်ကားဖြစ်ပေမယ့်လည်း တစ်စက်ကလေးမှ ပျင်းချိန်မရလိုက်ပါဘူး။ သူ့ရဲ့ ဘဝဇာတ်ကြောင်းကို Tempo အနိမ့်အမြင့်လေးနဲ့ ဖော်ပြထားတာ တွေ့ရမှာပါ။ ဒါပေမယ့် ဝမ်းနည်းစရာ ကောင်းတာက အောင်မြင်ကျော်ကြားလာတဲ့သူတွေဆို လောကဓံတရားကြီး က အလွတ်မပေးတာပါပဲ။ စပိန်သီချင်းလေးတွေကို ငြိမ့်ငြိမ်လေးနဲ့ နားထောင်ချင်တဲ့သူတွေအတွက်တော့ ဒီဇာတ်ကားလေးက အကြိုက်တွေ့စေမှာပါ။ အဲ့တော့ ပရိသတ်တွေအားလုံးကို ဒီဇတ်ကားလေး ကြည့် ဖြစ်အောင်ကြည့်ဖို့ တိုက်တွန်းလိုက်ပါရစေ။ ဒါပေမယ့် တစ်ခုသတိပေးချင်တာက နောက်ဆုံးခန်းနေရာလေးမှာ တစ်ရူးဆောင်ထားဖို့ ပြောလိုက် ပါရစေ… ဆယ်လီနာရဲ့ အကြောင်းလေးဖတ်ချင်ရင်တော့ ဒီမှာ ဖတ်လို့ရပါတယ်ခင်ဗျာ