Sarkaru Vaari Paata

တောင်ပိုင်းစတား မဟေ့ရှ်ဘာဘူရဲ့ ၂၀၂၂ ထွက် ရုပ်ရှင်အသစ် လာပါပြီဗျ။ မဟီကတော့ အမေရိကမှာ ချေးငွေလုပ်ငန်းလုပ်ကိုင်နေတဲ့ လုပ်ငန်းရှင်တစ်ယောက်ပဲဖြစ်ပါတယ်။ သူဟာ အကြွေးပမာဏ ဘယ်လောက်ပဲဖြစ်ဖြစ် ယူထားပြီး ပြန်မဆပ်ရင် ရေဆုံးမြေဆုံးထိ ရအောင်လိုက်တောင်းတတ်တဲ့သူလည်းဖြစ်ပါတယ်ဗျ။ တစ်နေ့မှာတော့ လောင်းကစားဝါသနာပါတဲ့ ကာလာဗာသီဆိုတဲ့ကောင်မလေးက မဟီ့ကို လှည့်စားပြီး ဒေါ်လာ ၁၀၀၀၀ ချေးယူကာ တစ်ပတ်ရိုက်သွားခဲ့ပါတယ်။ မဟီလည်း အဲ့ဒီပိုက်ဆံကို ပြန်တောင်းဖို့ အိန္ဒိယကိုပြန်ရင်းကနေ တဖြည်းဖြည်းနဲ့ နိုင်ငံနဲ့ချီတဲ့ ငွေကြေးပြဿနာတွေမှာ ဝင်ပြီး ပတ်သတ်မိလျှက်သား ဖြစ်နေပါတော့တယ်။ ဇာတ်လမ်းဟာ အစပိုင်းမှာ သာမန်အချစ်ဇာတ်လမ်းလို့ထင်ရပေမဲ့ ဇာတ်ရှိန်တက်လာချိန်မှာတော့ အလည်အလတ် လူတန်းစားတွေရဲ့ ငွေရေးကြေးရေး အခက်အခဲတွေ၊ ပြဿနာတွေကို မြင်အောင်ပြထားခဲ့ပါတယ်ဗျ။ တောင်ပိုင်းကားတွေရဲ့ထုံးစံ အိုဗာအက်ရှင်တွေပါပေမဲ့ ဇာတ်လမ်းကောင်းပြီး မင်းသမီး ကရီသီးဆူရက်ရှ်ကလည်း အရမ်းလှနေတာမလို့ အိန္ဒိယကားကြိုက်သူတွေ ကျော်မသွားသင့်တဲ့ရုပ်ရှင်ပဲဖြစ်ပါတယ်။