Prey

ဒီဇာတ်ကားဟာဆိုရင် တလောကမှထွက်ရှိထားတဲ့ Predator Prequel ကားသစ်လေးဖြစ်ပြီးတော့ ၁၈ ရာစုအစောပိုင်းလောက်က ကမ္ဘာပေါ်ကိုကျရောက်လာခဲ့တဲ့ ပထမဆုံး Predator ဂြိုဟ်သားရဲ့အကြောင်းကိုရိုက်ပြပေးထားတာပဲဖြစ်ပါတယ်။ ဇာတ်အိမ်ကိုတော့ ဒီဇာတ်ကားရဲ့အဓိကဇာတ်ဆောင်ဖြစ်တဲ့ နာရူဆိုတဲ့ Red Indian ကောင်မလေးတစ်ယောက် သူ့မျိုးနွယ်စုထဲက ယောက်ျားသားတွေနဲ့ရင်ဘောင်တန်းနိုင်အောင် မုဆိုးဖြစ်ထိုက်ကြောင်း အသိအမှတ်ပြုခံရဖို့ကြိုးစားတာနဲ့ စထားပါတယ်။ ရွာကကောင်လေးတစ်ယောက် ခြင်္သေ့ဆွဲခံရလို့ မုဆိုးတွေနဲ့အတူလိုက်ကယ်ရင်း ပုံမှန်မဟုတ်တဲ့ခြေရာအကြီးစားတွေကိုသတိပြုမိတဲ့ နာရူတစ်ယောက်၊ သားရဲအကြီးစားတစ်ကောင်ကိုအမဲဖျက်နိုင်ရင် မုဆိုးဖြစ်တဲ့ ရွာရဲ့မုဆိုးဖြစ်ထုံးတမ်းကိုလုပ်ဖို့အတွက် အဲ့အကောင်ကြီးကိုအမဲဖျက်ဖို့ လိုက်ရှာပါတော့တယ်။ ဒါပေမယ့်လည်း သူထင်ထားသလို ရိုးရိုးသာမာန်တိရစ္ဆာန်ဟုတ်မနေဘဲ တောဘုရင်ခြင်္သေ့ကိုပါ ထွက်ပြေးအောင်ဖြဲခြောက်နိုင်ပြီး ခွန်အားကြီးတဲ့ဝက်ဝံကြီးကိုတောင် အသာလေးသတ်နိုင်တဲ့ ဂြိုဟ်သားဖြစ်နေတဲ့အခါမှာတော့ နာရူအနေနဲ့ ဘယ်လိုကိုင်တွယ်သွားမလဲဆိုတာကို ဇာတ်ကားကိုကြည့်ပြီး အဖြေထုတ်လိုက်ပါဗျို့။ Horror Action ဖြစ်တဲ့အတွက်ကြောင့် သွေးထွက်သံယိုတွေမနည်းတဲ့အတွက် ကလေးငယ်များနဲ့ နှလုံးရောဂါရှိသူများ မကြည့်ဖို့တော့ Recommand ပေးချင်ပါတယ်ဗျ။ သေနတ်တွေနဲ့ ပစ်တာတောင်မသေတဲ့ကောင်ကို လူရိုင်းသာသာလူတွေက ဘယ်လိုနည်းတွေနဲ့သတ်ဖို့ကြိုးစားကြမလဲဆိုတာ စိတ်ဝင်တစား ရင်တမမနဲ့ ခုပဲကြည့်ကြည့်လိုက်ပါတော့ဗျ။