Pee Nak 3

ရွှေပန်းသီးချန်နယ်ကနေ ဘုရားစာမကြောက်တဲ့ ရှင်လောင်းသရဲကားတွေဖြစ်တဲ့ Pee Nak ဇာတ်ကားတွေကို ဘာသာပြန်တင်ဆက်ပေးလာတာ အခုဆိုရင် Pee Nak 3 လည်း ရောက်ရှိလာပါပြီ။ ဒီသရဲက အရှေ့သရဲတွေထက် နည်းနည်းလေးလည်းပိုကြမ်းပါတယ် (ဥစ္စာရူးသရဲမို့လို့ပါ)။ သရဲခြောက်တဲ့အခန်းတွေအနေနဲ့လည်း အရင်ကားတွေလို ဘုန်းကြီးကျောင်းထဲတင်မဟုတ်ဘဲ outdoor scene တွေပါပါတာမို့ အပြောင်းအလဲလေးဖြစ်ပြီး ပိုခြောက်ခြားစရာကောင်းလာသလိုပါပဲ။ IMDb rating အနေနဲ့လည်း အရင်ကားတွေထက် အများကြီးသာလွန်ပြီး 6 အထိကိုရရှိထားတာမို့ အရှေ့တိုင်းကားတစ်ကားအတွက်တော့ တော်တော်ကိုမြင့်တဲ့သတ်မှတ်ချက်တစ်ခုပါ။ ဇာတ်လမ်းအကျဉ်းလေးကတော့ Pee Nak 2 မှာ သဲလွန်စပေးခဲ့တဲ့အတိုင်းပဲ အော့ဒ်နဲ့ကိုရင်နော့ဖြစ်လာမဲ့ အိုက်ဂျိုနဲ့အိုက်ကပ်ဟာ အလောင်းပစ္စည်းတွေကို ခိုးယူမိတဲ့အတွက် ပိုင်ရှင်ရှင်လောင်းသရဲက လိုက်တောင်းတာပါပဲ။ အော့ဒ်ခဗျာမှာ ပဉ္ဇင်းတက်ခါနီးမှ ကျန်းမာရေးဆိုးဝါးလာပြီး အိပ်မက်ဆိုးတွေလည်း မက်လို့မက်နဲ့မို့ ဇာတ်လိုက်ကျော်တစ်စုဟာ အော့ဒ်ကိုကူညီပေးဖို့ ကြိုးစားကြရ‌ပါတော့‌တယ်။ ဒီဇာတ်ကားမှာဆို ဇာတ်ကောင်အပြောင်းအလဲအနေနဲ့ 1 နဲ့ 2 ရဲ့ဇာတ်လိုက်ဖြစ်တဲ့ ဦးဇင်းနွန်ပါဝင်မလာတော့ဘဲ ကိုရင်တွေထဲမှာလည်း ကိုရင်နော့တစ်ယောက်ပဲ ကျန်ပါတော့တယ်။ မျက်မှန်လေးနဲ့ ကိုရင်ကစ်ဒီကိုတော့ တက္ကသိုလ်ကျောင်းသား အဆင်လေးကစ်ဒီအဖြစ် အပြောင်းအလဲလုပ်ပေးထားပါတယ်။ ကျန်တဲ့ဇာတ်ဆောင်တွေကတော့ အတူတူပဲဖြစ်တဲ့အပြင် ဇာတ်လမ်းကျောရိုးတစ်ခုတည်းကိုပဲ အပိုင်းလေးတွေခွဲပြီး ရိုက်နေသလိုသဘောမို့ စီးရီးကြည့်နေရသလို ခံစားရစေမှာပါ။ အဲဒါကြောင့် Pee Nak 3 လေးကို တင်ဆက်ပေးရင်း 1, 2 ကိုမကြည့်ရသေးဘူးဆိုတဲ့သူတွေ၊ ကြည့်ပြီးသားကိုမေ့သွားလို့ ပြန်ကြည့်ချင်တယ်ဆိုတဲ့သူတွေလည်း SPT ထဲမှာပဲ တစ်ခါတည်းပြန်ကြည့်လို့ရပါတယ်ခင်ဗျာ။