Paulie

လူစကားပြောတတ်တဲ့ ကြက်တူရွေးလေး ပေါလီရဲ့အကြောင်းကို စိတ်ဝင်စားဖွယ်ရိုက်ကူးထားတဲ့ မေတ္တာဖွဲ့ဇာတ်လမ်းလေးဖြစ်ပါတယ်။ April 17, 1998 ကထွက်ရှိထားပြီး rating 6.5 ရထားတာပါ။ သိပ္ပံဓာတ်ခွဲခန်းတစ်ခုမှာ အစမ်းသပ်ခံဖြစ်သွားတဲ့ ကြက်တူရွေး ပေါလီက ဓာတ်ခွဲခန်းစောင့်လာလုပ်တဲ့ ရွှေ့ပြောင်းနေထိုင်သူတစ်ယောက်ကို သူရုန်းကန်ခဲ့ရတဲ့ ဘဝကြီးအကြောင်းပြောပြမှာဖြစ်ပါတယ်။ ပေါလီရဲ့ ပိုင်ရှင်အစစ်က မာရီဆိုတဲ့ ကလေးမလေးဆိုပေမဲ့ ကံမကောင်းအကြောင်းမလှစွာနဲ့ မျက်လှည့်ဆရာလက်ထဲရောက်လိုက် အပေါင်ဆိုင်ကို ရောက်လိုက် အဘွားကြီးတစ်ယောက်ရဲ့လက်ထဲရောက်လိုက်နဲ့ လမ်းပျောက်နေပြီး သူ့ပိုင်ရှင်ဆီပြန်ဖို့ အကူအညီလိုအပ်နေပါတယ်။ နောက်ဆုံး ပေါလီခဗျာ ငှက်ဆိုးသူခိုးဘဝရောက်လိုရောက်နဲ့ လောကဓံကို မျိုးစုံရင်ဆိုင်နေရတာပါပဲ။ သူ့ရဲ့ဇာတ်ကြောင်းကိုနားထောင်လိုက်ရတဲ့ ဓာတ်ခွဲခန်းစောင့်က သူ့ကိုသနားသွားပြီး လွတ်မြောက်အောင်လုပ်ပေးတဲ့အခါမှာတော့… သူ့ရဲ့အချစ်ရဆုံး မာရီလေးနဲ့ နှစ်ဦးသားပြန်ဆုံ စည်းရမှာလား ဆိုတာ ရယ်တစ်လှည့် ငိုတစ်လှည့် ကြည့်ရှုရမှာဖြစ်ပါတယ်။