Operation Mekong

Operation Mekong (မြန်မာစာတန်းထိုး)

2016 ‧ Action/Crime ‧ 2h 20m

Translate & Script = Nay Chi

Encoded by Thi Ha Thu

xxxxxxxxxxxxxxxxxxxx

အက်ရှင်ဇာတ်လမ်းမျိုးကိုမှ ကြည့်ချင်နေကြတဲ့သူတွေအတွက် မဲခေါင်မြစ်မှာ ဖြစ်ပွားခဲ့တဲ့ လူသတ်မှုကို ကျောရိုးခံပြီး ၂၀၁၆ ခုနှစ်ကတုန်းက ရိုက်ကူးခဲ့တဲ့ Operation Mekong ဆိုတဲ့ ဇာတ်ကားကောင်းလေးနဲ့ မိတ်ဆက်ပေးချင်ပါတယ်။ ဒီကားလေးကိုတော့ နာမည်ကြီးဒါရိုက်တာတစ်ဦးဖြစ်တဲ့ Dante Lam က အသက်သွင်းထားတာဖြစ်ပြီး အဓိကဇာတ်ကောင်တွေအဖြစ် တရုတ်မင်းသားချော Eddie Peng အပါအဝင် နာမည်ကြီးမင်းသား Zhang Hanyu၊ Chen Baoguo နဲ့ Carl Ng တို့က ပါဝင်သရုပ်ဆောင်ထားကြပါတယ် ဒီဇာတ်လမ်းလေးဟာ ရွှေတြိဂံဒေသရဲ့ ရေပိုင်နက်ဖြစ်တဲ့ မဲခေါင်မြစ်တွင်းမှာ သွားလာနေခဲ့တဲ့ တရုတ်ကုန်တင် သင်္ဘော ၂ စီးကို ခြုံခိုတိုက်ခိုက်ပြီး ရေယာဉ် အမှုထမ်း(တရုတ်လူမျိုး) ၁၃ ဦးကို သေနတ်နဲ့ ရက်ရက်စက်စက် ပစ်သတ်ခဲ့တဲ့ ဖြစ်စဉ်ကို ပြန်လည်ရိုက်ကူး ထားတာဖြစ်ပါတယ် ဒီဖြစ်စဉ်မှာဆိုရင် သင်္ဘောပေါ်ကနေ မူးယစ်ဆေးပြား ၉ သိန်းခန့်ကိုလည်း ရှာဖွေတွေ့ရှိခဲ့ရတဲ့အတွက် တရုတ်အစိုးရအနေနဲ့ လူသတ်မှုရဲ့ နောက်ကွယ်က ဖြစ်ရပ်မှန်ကို ဖော်ထုတ်ဖို့ Captain Gao Gang (Zhang Hanyu) ဦးဆောင်တဲ့မူးယစ်ဆေးဝါးနှိမ်နင်းရေးအဖွဲ့ကို ရွှေတြိဂံဒေသဆီ ချက်ချင်း စေလွှတ်ခဲ့တယ် အဲ့အချိန်မှာ အရင်ထဲက ရွှေတြိဂံဒေသမှာအခြေပြုနေတဲ့ ထောက်လှမ်းရေးအရာရှိ Fang Xinwu(Eddie Peng) ကလည်း စုံစမ်းစစ်ဆေးမှုတွေမှာ ပူးပေါင်းပါဝင်ခဲ့တယ် သင်္ဘောပေါ်မှာတွေ့ရှိခဲ့တဲ့ မူးယစ်ဆေးဝါးတွေကို နော်ခါ ဆိုတဲ့လူ ခေါင်းဆောင်ပြီး ရောင်းဝယ်မှုပြုလုပ်နေတယ်ဆိုတာ သိလိုက်ရတဲ့အခါ ထိုင်း၊ လာအို၊ မြန်မာနဲ့ တရုတ်တို့ပူးပေါင်းပြီး ပူးတွဲအထူးတပ်ဖွဲ့တစ်ခုဖွဲ့စည်းကာ မူးယစ်ဆေးဝါးသားကောင်ကို ဖမ်းဆီးဖို့ စတင်လှုပ်ရှားကြတော့တယ် သူတို့တွေ  အနေနဲ့ ဒီတရားခံကိုဖမ်းမိဖို့ အန္တရာယ်အခက်အခဲတွေကြားမှာ အသက်တွေအဆုံးရှုံးခံပြီး ဘယ်လိုရင်ဆိုင်ဖြတ်သန်းပြီး အောင်မြင်ခဲ့ရလဲဆိုတာ မြင်တွေ့ရမှာဘဲ ဖြစ်ပါတယ် ဒီဇာတ်ကားလေးဟာ အမှန်တကယ် ဖြစ်ပွားခဲ့တဲ့ ဖြစ်ရပ်မှန်ကို ရိုက်ကူးပုံဖော်ထားတဲ့အတွက် ကြည့်ရှုသူတွေကို စိတ်ဝင်စားမှု အပြည့်အဝပေးစေနိုင်မှာ ဖြစ်ပါတယ်