
ဒီဇာတ်ကားလေးက ၂၀၁၂ ခုနှစ်မှာ ထွက်ခဲ့တဲ့ romance movie ပဲ ဖြစ်ပါတယ်။ lMDb 7.1/10ထိရရှိခဲ့ပြီး အဓိက ဇာတ်ဆောင်အနေနဲ့ကတော့ မင်းသမီးချော Dakota Fanning၊ မင်းသားချော Jeremy Irvine တို့အပြင် Paddy Considine၊ Olivia Williams၊ Kaya Scodelario တို့နဲ့ အခြား သရုပ်ဆောင်တွေ ပါဝင်ထားတဲ့ ဇာတ်ကားဖြစ်ပါတယ်။ ဒီဇာတ်ကားထဲမှာ မင်းသမီး Dakota Fanning ဟာ တက်ဆာဆိုတဲ့ ကောင်မလေးနေရာကနေ ပါဝင်သရုပ်ဆောင်ထားပါတယ်။ သေခါနီး ကင်ဆာ ရောဂါဝေဒနာကို ခံစားနေရတဲ့ တက်ဆာလေးဟာ သူမ မသေခင် မှာ လုပ်ကြည့်ချင်တဲ့ အရာတွေကို စာရင်းလုပ်ထားပြီး အဲ့စာရင်းထဲကအတိုင်း လုပ်ပါတယ်။ အဲ့စာရင်းထဲမှာပါတဲ့ ထိပ်ဆုံးအရာတွေထဲမှာ သူမ မသေခင် အပျိုရည်ပျက်ဖို့လည်းပါပါတယ်။ တစ်နေ့မှာ တက်ဆာလေးဟာ သူမရဲ့ ဘေးအိမ်က အက်ဒန်ဆိုတဲ့ ကောင်လေးနဲ့ တွေ့ဆုံပြီး သူတို့ နှစ်ယောက် ဘယ်လိုချစ်ကျွမ်းဝင်ကြမလဲ၊ တက်ဆာကရောသူခံစားရတဲ့ ဝေဒနာတွေကို ဘယ်လိုဖြတ်ကျော်မလဲဆိုတာတွေကို ကြည့်ရမယ့် ဇာတ်ကားလေးဖြစ်ပါတယ်။ ဒ့ါအပြင် တက်ဆာနဲ့ သူ့အဖေရဲ့ကြားထဲက မိဘချစ်ခြင်းမေတ္တာ၊ တက်ဆာနဲ့ သူ့အချစ်ဆုံးသူငယ်ချင်းဇိုအီရဲ့ ကြား ထဲက သူငယ်ချင်းချစ်ခြင်းမေတ္တာတွေကိုပါ ပေါ်လွင်အောင်ရိုက်ကူးထားတဲ့ ဒီဇာတ်ကားလေးကို ကြည့်မိရင် လုံးဝနောင်တရမှာ မဟုတ်ပါဘူး နော်။