No One Killed Jessica

၂၀၁၁ ခုနှစ်မှာ ထွက်ရှိထားတဲ့ No One Killed Jessica ဟာ IMDB 7.2/10 ရရှိထားပြီး ပရိတ်သတ်များရဲ့ချီးကျူးဂုဏ်ပြုမှုကို အပြည့်အဝ ရရှိထားတဲ့ ဇတ်ကားကောင်းတစ်ကားဖြစ်ပါတယ် BoX Office မှာရုံတင်ဝင်ငွေ အမေရိကန်ဒေါ်လာ ၁၂ သန်း ရရှိခဲ့ပြီး ဂြိုလ်တုနဲ့ သက်ဆိုင်တဲ့ မီဒီယာတွေမှာ မထုတ်လွှင့်မီကတည်းက အရင်းကျေပြီး အကျိုးအမြတ်အများကြီးရရှိထားတဲ့ ဇာတ်ကားကောင်းတစ်ကား ဖြစ်ပါတယ်၊ ၁၉၉၉ ခုနှစ်မှာ အသတ်ခံလိုက်ရတဲ့ မော်ဒယ်လ်နဲ့ စားသောက်ဆိုင်ဝန်ထမ်း Jessica Lal အကြောင်းကို အတ္တုပ္ပတိဆန်ဆန် ဒရမ်မာဆန်ဆန် ရိုက်ကူး ထားခြင်း ဖြစ်ပါတယ်၊ ဂျက်ဆီကာအမှုဟာ ၁၉၉၉ ကနေ ၂၀၀၆ခုနှစ်အထိ ၈နှစ်ကြာမြင့်ခဲ့ပြီး ခရိုင်တရားရုံးက လူသတ်တရားခံကို သက်သေ မခိုင်လုံမှုနဲ့ကွင်းလုံးကျွတ်လွှတ်ပေးခဲ့ပါတယ် ပြည်သူတွေရဲ့ဆန္ဒပြ တောင်းဆိုမှုတွေကြောင့်သာ အဆင့်မြင့်တရားရုံးနဲ့ ထပ်မံစစ်ဆေးခဲ့ရပြီး လူသတ်တရားခံ မာနူးရှာမားကို ထောင်ဒဏ်တစ်သက်တစ်ကျွန်း ချမှတ်လိုက်ပါတယ် (မှတ်ချက် လူသတ်တရားခံ မာနူးရှာမားဟာ ၂၀၀၆ ခုနှစ်မှာ ထောင်ဒဏ်တစ်သက်တစ်ကျွန်းချမှတ်ခံလိုက်ရပေမယ့် ၂၀၂၀ပြည်နှစ် ဇွန်လမှာ အကျဉ်းထောင်က ပြန်လည်လွတ်မြောက်လာခဲ့ပြီ ဖြစ်ပါတယ်) အာဏာနဲ့ငွေကြေးဟာ အရာအရာတိုင်းကို ငွေနဲ့ဝယ်လို့မရဘူးဆိုတာ ကောင်းကောင်းမီးမောင်းထိုးပြထားပြီး ပြည်သူတွေသာ စည်းလုံးရင်မတရားမှုဆိုတာ ရှိလာမှာမဟုတ်ဘူးဆိုတာ သက်သေပြသပေးသွားမယ့် ဇာတ်ကားကောင်းတစ်ကားဖြစ်ကြောင်း ညွှန်းဆိုပါရစေ