New Gods: Nezha Reborn

ဒီကာတွန်းလေးကတော့ ၂၀၂၁ မှာ ထွက်ရှိထားပြီး တရုတ် ဒဏ္ဍာရီ သမိုင်းကြောင်းမှာ နာမည်ကြီးတဲ့ နတ်ဘုရား “နီကျား” ကို အခြေခံထားတာပါ။ “နီကျား” Version တွေ အများကြီး ရှိတဲ့ အထဲမှာမှဒီ Version လေးကတော့ အခုခေတ်နဲ့ ရှေးခေတ်ကို ရောထားတာမျိုးမို့လို့ မတူညီတဲ့ ခံစားချက်မျိုးကို ရရှိမှာပါ။ ဇာတ်လမ်း အစမှာတော့ “လီယွင်ရှောင်” ဆိုတဲ့ ကောင်လေးက ပုံမှန် အချိန်မှာတော့ အမြန်ချောပို့ လုပ်တဲ့ ကောင်လေး ဖြစ်ပြီး တခြား အချိန်တွေမှာတော့ ဆိုင်ကယ် ပြိုင်မောင်းတဲ့ ကောင်လေးပေါ့နော်။ ဒါပေမဲ့ တကယ်တမ်းကျတော့ သူက “နီကျား” ဝင်စားထားတဲ့ လူဆိုတာ သူ့ကိုယ်သူ မသိသေးပါဘူး။“နီကျား”ရဲ့ ရန်သူဟောင်းတွေ မိတ်ဆွေဟောင်းတွေနဲ့ ကြုံတွေ့လာပြီးမှ သူက သူများတွေနဲ့ မတူတဲ့ လူ ဆိုတာကို သတိထားမိလာတာပါ။ သူ့ရဲ့ အရင်ဘဝက ဖြစ်ပျက်ခဲ့တာတွေ၊ သူ့စွမ်းအင်တွေ အကြောင်းကို ပြန်လေ့လာ သင်ယူရင်းနဲ့ “နီကျား” ရဲ့ ဝိညာဉ်နဲ့ အမှန်တကယ် ပေါင်းစည်းနိုင်ဖို့ ကြိုးစားရတာပါ။ ဒီကာတွန်းလေးထဲမှာ မထင်မှတ်ထားတဲ့ ဇာတ်ကောင်လေးလည်း ပါတာမလို့ အရမ်း စိတ်ဝင်စားစရာ ကောင်းပါတယ်။ Anti-hero ဇာတ်ကောင် ကြိုက်တဲ့ လူမျိုးအတွက်ဆို မကြည့်မဖြစ်ပဲနော်။