My Cousin, the Ghost

ဒီတရုတ်သရဲကားလေးကတော့ ၁၉၈၇ ခုနှစ်တုန်းက ထွက်ခဲ့တဲ့ တရုတ်သရဲဟာသကားလေးပဲ ဖြစ်ပါတယ်။ ဒီကားလေးမှာလည်း Mr. Vampire 3 မှာတုန်းက ပါဝင်သရုပ်ဆောင်ခဲ့တဲ့ Richard Ng က အစ်ကိုပျောင် အနေနဲ့ သရုပ်ဆောင်ထားပြီး တရုတ်သရဲကားတိုင်းလိုလိုမှာ တွေ့ရတဲ့ ဒီဇာတ်ကားရဲ့ ဒါရိုက်တာလည်းဖြစ် သရုပ်ဆောင်လည်း ဖြစ်တဲ့ Wu Ma က အစ်ကိုသပြောင်အဖြစ် သရုပ်ဆောင်ထားပါတယ်။ သရဲကားဆိုပေမယ့် တရုတ်သရဲကားတွေရဲ့ ထုံးစံအတိုင်း မကြောက်ရဘဲ ပေါ့ပေါ့ပါးပါးနဲ့ ရယ်ရယ်မောမော ကြည့်ရမယ့် ဇာတ်ကားလေးပါ။ ဇာတ်လမ်းအကျဉ်းက ပြောလိုက်ရင် ကြည့်ရသူအဖို့ ပေါ့သွားမှာစိုးလို့ အထူးတလည် မပြောတော့ပါဘူး။ အရင်တစ်ချိန်က တရုတ် သရဲကားတွေကို ကြိုက်တတ်သူအဖို့တော့ ဒီကားလေးကို မဖြစ်မနေ ကြည့်ကြဖို့ တိုက်တွန်းလိုက်ပါရစေ။