My Brother Loves Me Too Much

ညီမဖြစ်သူ ‘ဆဲတိုက’ အပေါ် သည်းသည်းလှုပ်ချစ်တတ်သူ ‘ဟာရုက’ ဆိုတဲ့အစ်ကိုတစ်ယောက်ရှိပါတယ်။ ‘ဟာရုက’ဟာဆိုရင် သူ့ညီမကို ဘယ်လောက်ထိချစ်လဲဆိုရင် သူကလွဲပြီး သူ့ညီမကို ငိုအောင်လုပ်တဲ့လူတွေဆို လုံးဝခွင့်မလွှတ်တတ်ပါဘူး။ အဲ့လိုအချစ်ကြီးတဲ့ အစ်ကိုဖြစ်သူ ဆီမှာ ကြီးပြင်းလာခဲ့တဲ့ ‘ဆဲတိုက’ကလည်း သိပ်မချစ်တတ်ရှာပါဘူး။ တစ်ကျောင်းလုံးမှာရှိတဲ့ ရုပ်ချောချော ကောင်လေးတွေမှန်သမျှ အကုန်လုံးနီးပါး ရည်းစားစာတွေ၊ လက်ဆောင်တွေ ပတ်ပေးပြီးအဖြေတောင်းပါတယ်။ ‘ဆဲတိုက’မှာ ရုပ်ခံ ရှိ‌သော်လည်း ကံကြမ္မာရဲ့မျက်နှာသာ မပေးမှုကြောင့် ကောင်ချောလေးတွေဆီက ငြင်းသမျှကို ခံရစမြဲပါ။ တစ်နေ့မှာတော့ ‘ဆဲတိုက’က ရုတ်တရက်စန်းတွေထပွင့်ပြီး ရုပ်ချောချောကောင်လေး ၂ ယောက်ဆီကအပြင် ခန့်ချောဆရာတစ်ယောက်ဆီကပါ အပြိုင်အဆိုင် အချစ်ခံရတော့မယ့်ကိန်းဆိုက်ပါတော့တယ်။ ဒါပေမဲ့လည်း တစ်ဖက်မှာ သူ့အစ်ကို ‘ဟာရုက’ ကလည်း သူ့ညီမ‘ဆဲတိုက’ကို ဘယ်သူ့ လက်ထဲမှ အပါမခံနိုင်တော့ ဆဲတိုကရဲ့အချစ်ရေးက ဖြောင့်ဖြူးနိုင်ပါ့မလားဆိုတာ၊ အစ်ကိုဖြစ်သူနဲ့ညီမဖြစ်သူကြားက နက်ရှိုင်းလွန်းတဲ့ ချစ်ခြင်းမေတ္တာမှာရော ဘယ်လိုအလှည့်အပြောင်းလေးတွေ ရှိလာမှာလဲဆိုတာ ပေါ့ပေါ့ပါးပါးနဲ့ ခံစားကြည့်ရှူရမယ့် ဟာသနှော၊ ဂျပန်ရိုမန့်ကားလေးပဲဖြစ်ပါတယ်။ အဓိကဇာတ်ကောင်တွေကတော့ သရုပ်ဆောင်ရော၊ အဆိုတော်ပါဖြစ်တဲ့မင်းသား Ryota Katayose နဲ့ နာမည်ကြီးမင်းသမီး Tao Tsuchiya တို့ဖြစ်ပြီး IMDb Rating 5.7 ထိရရှိထားကာ 2017 မှာ ထွက်ရှိထားပါတယ်။