Monster Hunt

ဒီဇာတ်ကားလေးဟာဆိုရင် Shrek တို့ Kung Fu Panda တို့လို ကာတွန်းကားတွေကို ရိုက်ကူးခဲ့တဲ့ နာမည်ကြီး ဒါရိုက်တာ Raman Hui ရိုက်ကူးခဲ့တာပဲ ဖြစ်ပါတယ်။ ၂၀၁၅ တုန်းက ရုံတင်ပြသခဲ့တဲ့ ဒီကားဟာဆိုရင် စိတ်ကူးယဉ်၊ ဟာသ၊ စွန့်စားခန်း၊ အက်ရှင် အမျိုးအစား 3D ဇာတ်ကား ဖြစ်ပြီးတော့ ဝင်ငွေ အကြမ်းဆုံးကားလည်း ဖြစ်ပါတယ်။ ဇာတ်လမ်းအကျဉ်းလေးကတော့ ဟိုးအရင်တုန်းက လူသားတွေဟာ မကောင်းဆိုးဝါးတွေနဲ့ အတူနေထိုင်ခဲ့ပေမဲ့လည်း လူသားတွေက ကမ္ဘာကြီးကို အုပ်စိုးချင်လာတဲ့အခါ မကောင်းဆိုးဝါးတွေကို နှင်ထုတ် ပစ်ပါတော့တယ်။ အခုတော့ မကောင်းဆိုးဝါးတွေရဲ့ ကမ္ဘာထဲမှာ စစ်ပွဲတွေဖြစ်နေပြီးတော့ မကောင်းဆိုးဝါး ဘုရင်ကြီးလည်း အသတ်ခံလိုက်ရတယ်။ အဲ့ဒါနဲ့ မကောင်းဆိုးဝါး ဘုရင်မကြီးလည်း လူသားတွေရဲ့ ကမ္ဘာထဲကို ကိုယ်ဝန်ကြီးနဲ့ ထွက်ပြေးလာရတော့တယ်။ အဖေ စွန့်ပစ်သွားလို့ စိတ်နာနေတဲ့ လူငယ်လေး ဆုန့်ထင်ရင်းရယ် မိစ္ဆာဖမ်းတဲ့သူ ဟော့ရှောင်လန်ရယ် အဲ့မှာ သူတို့နဲ့ တွေ့တော့တာပဲ။ မွေးလာတဲ့ မကောင်းဆိုးဝါး ကလေးလေးက သူတို့နှစ်ယောက်ကို ဘယ်လိုတွေ ဒုက္ခပေးပြီး ဘယ်လိုတွေ ရယ်ရမလဲဆိုတာတော့ ကိုယ့်ဟာကိုယ်ပဲ ကြည့်ရှုလိုက်ကြပါအုံး။ ထပ်လောင်းပြောရရင် မကောင်းဆိုးဝါးနဲ့ လူအကြားက သံယောဇဉ်တွေ၊ မကောင်းဆိုးဝါးလေးရဲ့ ချစ်စရာပုံစံလေးတွေ စတာလေးတွေကို ဟာသလေးနှောပြီး ရိုက်ကူးထားတဲ့ မြူးမြူးကြွကြွ သီချင်းလေးတွေနဲ့ ဇာတ်ကားကောင်း တစ်ကားပဲ ဖြစ်ပါတယ်။