Monster Hunt 2

ဒီဇာတ်ကားဟာဆိုရင် Monster Hunt 2015 ရဲ့ အဆက်ဖြစ်ပြီး ဒါရိုက်တာကတော့ ပထမကားရဲ့ ဒါရိုက်တာ Raman Hui ပဲဖြစ်ပါတယ်။ Nomination ၉ ဆုတောင် ရထားပြီးတော့ အရင်မင်းသား မင်းသမီးတွေကပဲ ပြန်ပြီး သရုပ်ဆောင်ထားပါတယ်။ အခု ဒီဇာတ်ကားဟာဆိုရင် ရှေ့တစ်ကားထက် ပိုကောင်းလာပြီး ကြည့်ရတာလည်း ပိုပြီး စိတ်ဝင်စားစရာကောင်းလာပါတယ်။ တစ်ခုပဲ ပြောစရာရှိတာက ရှေ့တစ်ကားလို သီချင်းမြူးမြူးလေးတွေ မပါတော့တာပါပဲ။ ကျန်တာကတော့ ရှေ့တစ်ကားထက်ကို တော်တော်ပိုကောင်းတယ်လို့ ဆိုရမှာပါ။ အထူးသဖြင့် ဟာသခန်းတွေက တော်တော်လေးကို ရီရပါတယ်။ ဇာတ်လမ်းအကျဉ်းအနေနဲ့ကတော့ ဟူပါး သူ့မိဘတွေနဲ့ ခွဲခွာပြီးတဲ့နောက်မှာ ဇာတ်အိမ်တည်ထားပါတယ်။ ဟူပါးဟာဆိုရင် လူတွေနဲ့ လွတ်ရာကျွတ်ရာမှာ မကောင်းဆိုးဝါးတွေနဲ့ နေထိုင်နေတာကို မကောင်းဆိုးဝါး ဘုရင်အသစ်က သူ့ကို အလွတ်မပေးဘဲ လိုက်ဖမ်းပါတော့တယ်။ ဒါနဲ့ ဟူပါးတစ်ယောက် သူ့မိဘတွေကို လိုက်ရှာရင်း ထွက်ပြေး နေရပါတော့တယ်။ ဟူပါး မမျှော်လင့်ဘဲ တွေ့သွားတာက အပြင်ပန်းမာသယောင်ရှိပြီး နှလုံးသားနူးညံ့တဲ့ လောင်ကစားသမားကြီး ထူစစ်ကူနဲ့ တွေ့သွားတာပါပဲ။ အဲ့ကနေ ဟူပါးကို သံယောဇဉ်တွယ်သွားပြီး ဟူပါး မကောင်းဆိုးဝါးလက်ထဲရောက်တော့ သူ့ကို လိုက်ကယ်တော့တာပါပဲ။ ပထမတစ်ကားထက် ရီရပြီးတော့ မိသားစု မေတ္တာကိုလည်း ထိထိမိမိ ဖော်ကျူးထားပါတယ်။ ကိုယ်တိုင်ပဲ ကြည့်ရှုခံစားလိုက်ပါဦး