Mojin: The Secret Coffin

ဒီတရုတ်ကားလေးကတော့ တလောလေးကမှ ထွက်ထားတဲ့ Action, Adventure, Fantasy တရုတ်ကားလေး ဖြစ်ပြီးတော့ ထောင်ချောက်တွေကို ဖြတ်ကျော်ပြီး ရတနာတွေကို လိုက်ရှာဖွေတဲ့ ဇာတ်ကားလေးပဲဖြစ်ပါတယ်။ ဇာတ်လမ်းအကျဉ်းအနေနဲ့ကတော့ ဇာတ်လိုက်မင်းသား ချောင်ရွှင့်ရဲ့ အဖေဖြစ်သူဟာ မှော်ကျင်းခေါင်းဆောင် တစ်ယောက်ဖြစ်ပြီးတော့ မိန်းမဖြစ်သူ နေမကောင်း ဖြစ်နေတာကြောင့် အသက်ရှည်ဆေး ရှာဖို့ ထွက်သွားခဲ့ပါတယ်။ ဒါပေမဲ့ ကံမကောင်းစွာနဲ့ပဲ မဟာဘုရင်ရဲ့ အုတ်ဂူထဲမှာ ရတနာရှာရင်း သေသွားခဲ့ပါတယ်။ ဒီလိုနဲ့ သားဖြစ်သူ အရွယ်ရောက်လာတဲ့အချိန်မှာ နယ်ချဲ့ဂျပန်တွေက ရတနာမြေပုံတစ်ခု ကိုင်ရင်း အသက်ရှည်ဆေး ရှာဖို့ သူတို့ရွာကို ရောက်လာပါတယ်။ ဒီလိုနဲ့ မှော်ကျင်းခေါင်းဆောင်ရဲ့ သားဖြစ်သူက သူ့ရွာသားတွေကို ဦးဆောင်ပြီး ဂျပန်တွေကို ရတနာ လိုက်ရှာပေးရပါတော့တယ်။ ဒီလိုနဲ့ ရတနာတွေကို ရှာတွေ့သွားမလား၊ သူတို့တွေပဲ သေကုန်ကြမလား ဆိုတာကိုတော့ ပရိသတ်ကြီးပဲ ကိုယ်တိုင်ကြည့်ရှုခံစားလိုက်ပါ။