Minxiong Haunted House

ဒီတစ်ခါတော့ လျှို့ဝှက်ချက်ဆန်ဆန် ၂၀၂၂ ခုနှစ်ထွက် ထိုင်ဝမ် Horror Movie လေးကို ပရိသတ်ကြီးအတွက် ယူဆောင်လာပါတယ်။ ဒီဇာတ်ကားလေးမှာတော့ မင်ရှောင်းမြို့က သရဲခြောက်တဲ့အိမ်ကြီးအကြောင်းနဲ့ အဲဒီအိမ်ကြီးမှာ ဟိုးအရင်ဩဇာအာဏာကြီးမားခဲ့တဲ့ ဟဲမိသားစုအကြောင်းကနေ ဇာတ်အိမ်တည်ထားတာပါ။ အမွေဆက်ခံတဲ့ သားယောက်ျားလေးရှိခဲ့ပေမယ့် ကြမ္မာဆိုးကြောင့် လက်ရှိကာလမှာတော့ အရင်လိုမပေါက်ရောက်တော့တဲ့ ဟဲမိသားစုမှာ နောက်ဆုံးအမွေခံ သမီးမိန်းကလေးဖြစ်တဲ့ အားချီလေးတစ်ယောက်ပဲ ကျန်ရစ်ခဲ့ပါတယ်။ ရာဇဝင်တွေနဲ့ ဟဲမိသားစုပိုင်ဆိုင်တဲ့အိမ်ကြီးမှာ အားချီဟာ သူမရဲ့အဘွားရယ် အမေရယ်နဲ့အတူ နေထိုင်ရင်း ခေတ်ကာလသားသမီး ဂျစ်ကန်ကန်ကောင်မလေးပေါ့။ ဘိုးဘေးတွေရဲ့အုတ်ဂူကို သန့်ရှင်းရေးသွားလုပ်တဲ့နေ့မှာ အားချီလေးချော်လဲပြီး သရဲဝင်ပူးပါတော့တယ်။ ပူးကပ်လာတဲ့သရဲက အားချီနဲ့ဘယ်လိုပတ်သက်နေလဲ? ရာဇဝင်တွင်တဲ့အိမ်ကြီးရဲ့ကြောက်စရာကောင်းတဲ့ အတိတ်တွေ ထွက်ပေါ်လာတဲ့အခါမှာ ဘာတွေဆက်ဖြစ်မလဲဆိုတာ ခံစားကြည့်ရှုရမှာပါ။ Imdb rating က 4.5/10 ရရှိထားပြီး ထိုင်ဝမ်မင်းသားချော Wei-Chen Liu နဲ့ မင်းသမီးချောလေး Agnes Mai တို့အပြင် တခြားသော နာမည်ရသရုပ်ဆောင်များက ပါဝင်တင်ဆက်ထားပါတယ်။