Minions

ဒီကားလေးကတော့ မီနီယမ်လေးတွေရဲ့အကြောင်းကို ရိုက်ကူးပုံဖော်ပေးထားတဲ့ ဇာတ်ကားလေးပဲဖြစ်ပါတယ်။ မီနီယမ်လေးတွေဟာဆိုရင် လွန်ခဲ့တဲ့နှစ်ပေါင်းများစွာကတည်းက ကမ္ဘာမြေကြီးပေါ်မှာနေထိုင်ခဲ့ကြပြီး သေးငယ်တဲ့အဝါရောင်ကောင်လေးတွေဖြစ်ကြပါတယ်။ သူတို့တွေရဲ့ဖြစ်တည်မှုဟာ သူတို့အလုပ်အကျွေးပြုရမယ့်ဘော့စ်တစ်ယောက်ကို ပျော်ရွှင်အောင်ထားဖို့အတွက်ပါပဲ။ ဒါပေမယ့် နှစ်သန်းပေါင်းများစွာတိုင်အောင် သူတို့နဲ့ကိုက်ညီတဲ့ဘော့စ်ကိုရှာမတွေ့ခဲ့ဘဲ ဘော့စ်တွေတစ်ယောက်ပြီးတစ်ယောက်ပြောင်းနေခဲ့ရပါတယ်။ တစ်နေ့မှာတော့ မီနီယမ်လေးတွေဟာ ခိုလှုံစရာဂူကြီးတစ်ခုကိုတွေ့သွားပြီး ကိုယ်ပိုင်နေထိုင်မှု ဘဝလေးတွေကိုထူထောင်ခဲ့ကြပေမယ့်လည်း ဘော့စ်တစ်ယောက်မရှိတဲ့ဘဝက ရည်မှန်းချက်တွေမျှော်လင့်ချက်တွေ ဘာမှမရှိတဲ့ဘဝတစ်ခုလိုဖြစ်နေတာကြောင့် မီနီယမ်လေးတွေဟာ စိတ်ဖိစီးလာခဲ့ကြတယ်။ အဲ့လိုအခြေအနေကြီးမှာ ကယ်လ်ဗင်၊ စတူးဝတ်နဲ့ ဘော့ဆိုတဲ့မီနီယမ်လေးသုံးကောင်က သူတို့ရဲ့မျိုးစုလေးကိုကယ်တင်ဖို့ရာ ဂူကြီးထဲကထွက်လာခဲ့ပြီး ဝေးလံတဲ့အရပ်ကိုခရီးဆန်ကာ ဘော့စ်ရှာဖွေရေးစွန့်စားခန်းကြီးကို စတင်ထွက်ခဲ့ကြပါတယ်။ စွန့်စားခန်းတစ်လျှောက်မှာ မီနီယမ်လေးတွေဘယ်လိုအခက်အခဲတွေရင်ဆိုင်ကြရမလဲ။ သူတို့အတွက်သင့်တော်တဲ့ ဘော့စ်ကိုရော ရှာတွေ့ကြပါ့မလား။ သူတို့ရဲ့ ဘော့စ်အသစ်ကရော ဘယ်လိုပုံစံမျိုးဖြစ်နေမလဲဆိုတာကို မီနီယမ်လေးတွေရဲ့ချစ်စရာအပြုအမူလေးတွေ ဟန်ပန်အမူရာလေးတွေနဲ့ ရယ်မောပျော်ရွှင်ဖွယ်ကြည့်ရှုရမှာပဲဖြစ်ပြီး ဒီဇာတ်ကားလေးကိုကြည့်နေရင်း ရွှေပန်းသီးပရိတ်သက်ကြီးတို့ရဲ့ဘဝအမောလေးတွေကို ပြေပျောက်စေမှာအမှန်ပဲမို့ အားပေးကြည့်ရှုကြပါဦးနော်။