Love and Leashes

ဒီတစ်ခေါက် တင်ဆက်ပေးမှာကတော့ Rom-com အမျိုးအစားဖြစ်တဲ့ Love and leashes လို့အမည်ရတဲ့ ဇာတ်လမ်းလေးပဲဖြစ်ပါတယ်။ ဒီဇာတ်လမ်းကိုတော့ ဒါရိုက်တာ park jin hyeon မှရိုက်ကူးတင်ဆက်ထားပြီးတော့ Girl generation အဖွဲ့ဝင် Seohyun နဲ့ မင်းသား Lee Jung young တို့မှ အဓိကပါဝင်သရုပ်ဆောင်ထားပါတယ်။ ဒီ Love and leashes ဇာတ်ကားလေးထဲမှာပါဝင်တဲ့ တချို့ ဇာတ်လမ်းဇာတ်ကွက်တွေ၊ အသုံးအနှုန်းတွေကြောင့် အသက် ၁၈ နှစ်ပြည့်ပြီးမှ ကြည့်ကြဖို့ တိုက်တွန်းလိုက်ပါတယ်။ ဒီဇာတ်လမ်းလေးကတော့ သူ့ရဲ့နာမည် Love and leashes ဆိုတဲ့အတိုင်း BDSM အကြောင်းကို‌ ပေါ်လွင်အောင် ရိုက်ကူးတင်ဆက်ထားတဲ့အတွက်ကြောင့် ကြည့်ရှူသူတွေအဖို့ BDSM ဆိုတာ ဘာလဲဆိုတာကို နက်နက်နဲနဲသိရှိခွင့်ရမဲ့အပြင် BDSM ကို ကြိုက်နှစ်သက်တဲ့သူတွေကို ထူးဆန်းတယ်လို့ ထင်နေကြတဲ့ လူ့အသိုင်းအဝိုင်း တစ်ရပ်ရဲ့အမြင်တွေကို ဆန့်ကျင်ထားတဲ့ ဇာတ်ကားလေးလို့ပြောရင်လည်း မမှားပါဘူး။ ဇာတ်လမ်းရဲ့ အကျဉ်းချုပ်ကတော့… ပင်ကိုယ်စရိုက်ကိုက ပြတ်ပြတ်သားသားနဲ့ အရာရာကို အမှန်အတိုင်းဆုံးဖြတ်တတ်ပြီး သူတစ်ပါးတွေကို အမိန့်ပေးတတ်တဲ့ အကျင့်စရိုက်မျိုး ရှိနေတဲ့ ဂျောင်ဂျီဝူး (Seohyun) နဲ့ တခြားဌာနတစ်ခုကနေ Seohyun တို့ဌာနကို လက်ထောက်မန်နေဂျာအဖြစ်ပြောင်းလာတဲ့ ဂျောင်ဂျီဟူး(Lee Jung young)တို့ နာမည်ချင်းဆင်နေကြရာမှ ပါဆယ်ထုပ် မှားယူလာမိတဲ့ ပြဿနာကနေ ဇာတ်လမ်းကို အစပြုထားပါတယ်။ Lee Jung young က BDSM ထဲက sub(နာခံသူ) နေရာမှာနေရတာကို ကြိုက်နှစ်သက်တဲ့သူ ဖြစ်ကြောင်းကို Seohyun သိရှိသွားတဲ့အခါမှာတော့ Lee Jung young ကိုယ်တိုင်က Seohyun ကို သူ့ရဲ့ dom (အမိန့်ပေးသူ) လုပ်ပေးဖို့တောင်းဆိုလာပါတော့တယ်။ Seohyun တစ်ယောက် သူ့ရဲ့ တောင်းဆိုချက်ကို လက်ခံပေးလိုက်မလား ငြင်းလိုက်မလားဆိုတာကိုတော့ ဒီဇာတ်လမ်းလေးထဲမှာ စိတ်ဝင်စားဖွယ်ကြည့်ရှုခံစားလို့ရမှာပါ။