Kuntilanak

အင်ဒိုနီးရှားမှာ ကွန်တီလာနတ်ဆိုတဲ့ ကလေးတွေကို ဖြားယောင်းသွေးဆောင်ပြီး မှန်ထဲ ပိတ်လှောင်ထားတတ်တဲ့ သရဲမတစ်ကောင်ရှိတယ်တဲ့။ ဒင်ဒါ၊ ကရတ်စ်နာ၊ ပန်ဂျီ၊ မီကိုနဲ့ အန်ဘာတို့ဟာ မိဘမဲ့ဂေဟာကနေ ခေါ်ယူမွေးစားခံထားရတဲ့ ကလေးတွေပါ။ သူတို့လေးတွေရဲ့အုပ်ထိန်းသူ ဒွန်နာတစ်ယောက် အကြောင်းကိစ္စရှိလို့ ခရီးဝေးထွက်ရမယ့်အခါ ကလေးတွေကို တူမဖြစ်သူနဲ့ထားခဲ့ရဖို့ အကြောင်းဖန်လာတယ်။ အဲ့ဒီအချိန်မှာပဲ အကြောင်းကြောင်းကြောင့် မှန်ထဲမှာ နေထိုင်တဲ့ ကွန်တီလာနတ်သရဲမရဲ့ ရှေးဟောင်းမှန်ကြီး ကလေးတွေရှိတဲ့အိမ်ကို မတော်တဆရောက်လာတဲ့အခါ ထူးဆန်းတာတွေ ဆက်တိုက်ဖြစ်လာပါတော့တယ်။ ဒီဇာတ်ကားထဲမှာ မိသားစုဆိုတာ အရေးကြီးဆုံးဆိုတဲ့ မက်ဆေ့ခ်ျကိုလည်း ပါးပါးလေးပေးသွားပါသေးတယ်။ Imdb rating မှာ 4.5/10 ဆိုတော့ နည်းလှပေမယ့် သုံးထားတဲ့အသံတွေက ကြည့်ရှုသူတွေကို ကျောချမ်းစရာကောင်းစေတာမို့ Rating နည်းပေမယ့် Horror Vibe ကတော့ အပြည့်အဝရစေမှာ သေချာပါတယ်။