Kuntilanak 2

(၂၀၁၈) ခုနှစ်က ထွက်ရှိခဲ့တဲ့ ကလေးတွေကို ဖြားယောင်းသွေးဆောင်တတ်တဲ့ ကွန်တီလာနတ်သရဲမကြီးနဲ့ ဒင်ဒါ၊ ကရတ်စ်နာ၊ ပန်ဂျီ၊ မီကို၊ အန်ဘာတို့ကလေးတစ်သိုက် တွေ့ကြုံရင်ဆိုင်ရတဲ့ Kuntilanak-1 ကို ကြည့်ဖူးကြသူများအတွက် Kuntilanak(2) ထပ်မံထွက်ရှိလို့ လာပြန်ပါပြီ။ ဒီတစ်ခါမှာတော့ ကလေးတွေရဲ့အုပ်ထိန်းသူဖြစ်တဲ့ ဒွန်နာ့ဆီ မိဘမဲ့ဂေဟာကနေ စုံစမ်းပြီး လိုက်လာတာပါဆိုတဲ့ အမျိုးသမီးကြီးတစ်ဦးဟာ သူ့ကိုယ်သူ ဒင်ဒါ့အမေရယ်လို့ ဆိုလာပါတယ်။ ဒင်ဒါ့ကို သူမဆီ ပြန်ပို့ပေးဖို့ လာပြောတာပါ။ ဒွန်ဒါက မဆုံးဖြတ်ရသေးခင်မှာပဲ ဒီအကြောင်းကို ဒင်ဒါတစ်ယောက် သိသွားခဲ့ပြီး အမေရင်းကို တွေ့ချင်စိတ်ဖြစ်ပြီး အိမ်က ထွက်သွားဖို့လုပ်ပါတော့တယ်။ ဒွန်ဒါလည်း စိတ်မကောင်းဖြစ်ပေမယ့် ဒင်ဒါ့ရဲ့ဆန္ဒကို ဖြည့်ပေးချင်တာကြောင့် ဒင်ဒါ့အမေရင်းဆီသွားဖို့ ကျန်တဲ့မောင်နှမတွေကို လိုက်ပို့ပေးရင်းနဲ့ လိုက်ပါစေပါတယ်။ ဒင်ဒါတို့မောင်နှမတွေ ဒင်ဒါ့မိခင်အရင်းဆိုတဲ့ အမျိုးသမီးအိမ်ရောက်ရှိသွားတဲ့အခါ မျှော်မှန်းထားသလိုဟုတ်ပါရဲ့လား။ အမျိုးသမီးကြီးရဲ့ ဖုံးကွယ်ထားတဲ့အရာတွေကို ရှာတွေ့သွားတဲ့နောက်ကွယ်မှာ ဘယ်လိုထိတ်လန့်စရာကောင်းတာတွေနဲ့ ကြုံတွေ့ရဦးမလဲဆိုတာ ဆက်လက်ကြည့်ရှုလိုက်ကြပါဦး။ Imdb rating မှာတော့ 4.3/10 ရရှိထားပါတယ်။