Kafir

ဒီဇာတ်ကားလေးကတော့ IMDb 6.8 ရရှိထားပြီး ၂၀၁၈ ထွက် Drama/Mystery အမျိုးအစားဖြစ်ပြီး Indonesian ကားဖြစ်ပါတယ် ဒီဇာတ်လမ်းထဲမှာတော့ အန်ဒီနဲ့ဒီနာဆိုတဲ့ သားသမီးနှစ်ယောက်နဲ့အတူ ဟာမန်နဲ့စရီဆိုတဲ့ လင်မယားနှစ်ယောက်က ဘဝကို သာမန်ဖြတ်သန်း ခဲ့ကြတဲ့ မိသားစုတွေပေါ့။ မိုးတွေအသည်းအသန်ရွာနေတဲ့တစ်ည သူတို့ထမင်းစားနေတဲ့အချိန်မှာပဲ ဟာမန်က အကောင်းပကတိကနေ ထမင်းစားရင်းနဲ့ ချောင်းဆိုးပြီး သွေးတွေထွက်လာကာ ရုတ်တရက်သေဆုံးသွားပါတယ်။ အဲဒီနောက်မှာ စရီလည်း ထူးဆန်းတဲ့အရာတွေကို သူ့အိမ်မှာတွေ့ကြုံခဲ့ရပါတယ်။ ဟာမန်ရဲ့သေဆုံးမှုဟာ သာမန်ရောဂါကြောင့် မဖြစ်နိုင်ဘူးဆိုတာ စရီက အစထဲကသိ‌နေပါတယ်။ စုံထောက် စာအုပ်တွေ ဖတ်တာများတဲ့ ဒီနာတစ်ယောက်ကလည်း သူ့အဖေသေတာတွေ၊ သူ့အမေတွေ့ကြုံရတာတွေနဲ့ ပတ်သက်ပြီး ဘယ်လိုတွေ ရှာဖွေစုံစမ်းမလဲ၊ သဘာဝဆန်တဲ့ဖြစ်ရပ်တွေကို အယုံအကြည်မရှိတဲ့ ဒီနာရဲ့အစ်ကိုဖြစ်သူ အန်ဒီကရော သူ့ညီမပြောတာတွေကို လက်ခံနိုင်ပါ့ မလား၊ သူတို့မိသားစုတွေ ဒီလိုထူးခြားတဲ့ သဘာဝလွန်ဖြစ်ရပ်တွေနဲ့ ဘယ်လိုမျိုး တွေ့ကြုံပြီး ဘယ်လိုတွေ ရှေ့ဆက်ကြမလည်း ဆိုတာကိုတော့ Kafair: A Deal with the Devil ဇာတ်ကားထဲမှာ ခံစားကြည့်ရှုလိုက်ပါ။