Kaagaz

ဒီနေ့မှာတော့ နှစ်သစ်မှာ အဓိပ္ပာယ်ရှိတဲ့ဇာတ်ကားလေးကြည့်ရင်း ပျော်ရွှင်စရာနှစ်သစ်ကို ဖြတ်သန်းနိုင်ဖို့ ဒီလ ၇ရက်နေ့ကမှထွက်ရှိထားတဲ့ Kaagaz ဆိုတဲ့အိန္ဒိယကားလေးနဲ့မိတ်ဆက်ပေးလိုက်ပါတယ်။ ကျေးလက်ဒေသလေးတစ်ခုမှာ တစ်နိုင်တစ်ပိုင် တီးဝိုင်းအဖွဲ့လေးထောင်ထားတဲ့ ဘာရက်လယ်ဆိုတဲ့သူဟာ ဘဝကိုရိုးရှင်းစွာဖြတ်သန်းချင်သူ တစ်ယောက် ဖြစ်ခဲ့ပါတယ်။ တစ်နေ့မှာတော့ သူ့ဇနီးရဲ့တိုက်တွန်းချက်နဲ့ စီးပွားရေးလုပ်ငန်းလေးချဲ့ထွင်ဖို့ ဘဏ်မှာငွေသွားချေးခဲ့ရာက ဇာတ်လမ်းလေးတစ်ပုဒ် အစပျိုးခဲ့ပါတော့တယ်။ ကြွက်လေးတစ်ကောင်တောင် သတ်ဖို့ခက်တဲ့ ဘာရက်လယ်လို ကြင်နာတတ်တဲ့ လူတစ်ယောက်ရဲ့ဘဝဟာ ဘယ်အရာကြောင့်နဲ့များ ဘာတွေဘယ်လိုတွေများပြောင်းလဲသွားပါသလဲ။ လူတစ်ယောက်ဟာ ဒီလောက်ထိဇွဲကောင်းဖို့ရော လိုရဲ့လားဆိုတာက ကြည့်နေတဲ့ တစ်လျှောက်လုံးမှာ အတွေးများစရာ အချက်တစ်ချက်ပါ။ ထင်မထားမိတဲ့ ဇာတ်လမ်းအသွားကြောင့် ဇာတ်လမ်းရဲ့ စ လယ် ဆုံးကတော့ ဒေါသထွက်ရလိုက် ရယ်ရလိုက် နဲ့ ရသမျိုးစုံ ပေးသွားပါလိမ့်မယ်။ နောက်ပြီး လက်တွေ့ဘဝကိုလည်းထောက်ပြပေးသွားတာမို့ တကယ့်ဘဝမှာ ဒီဇာတ်လမ်းထဲကလို ကြုံဖူးတဲ့သူတွေအဖို့တော့ တော်တော်လေးစဉ်းစားစရာများတဲ့ကားဖြစ်ပါလိမ့်မယ်။ ဒီတော့ ကျန်တာကိုဆက်ကြည့်ပြီး ဒီဇာတ်ကား က ကောင်းလား မကောင်းလားကို ဆုံးဖြတ်ကြည့်လိုက်ကြပါဦး။