Jurassic Park III

ဒိုင်နိုဆောပရိသတ်တို့အနေနဲ့ ရွှေပန်းသီးကနေတင်ဆက်ပေးထားတဲ့ Jurassic Park 1 နဲ့ 2 ကိုကြည့်ပြီးလောက်ပြီဆိုတော့ ဒီတစ်ခါမှာတော့ No. 3 movie လေးနဲ့အတူ ပြန်လာပါပြီနော်။ ဒီကားမှာဆိုရင်တော့ ပထမဆုံးဇာတ်ကားမှာပါဝင်ခဲ့ပြီး ဒုတိယဇာတ်ကားမှာ မတွေ့ခဲ့ရတဲ့ ဒေါက်တာအယ်လန်ဂရန့်က အဓိကဇာတ်ဆောင်အနေနဲ့ ပါဝင်ထားပါတယ်။ ဇာတ်လမ်းအကျဉ်းကတော့ နံပါတ် 2 ဇာတ်ကားထဲက ဆန်ဒီရေဂိုကအဖြစ်အပျက်ကြောင့် လူသားတွေဟာ ဒိုင်နိုဆောတွေရဲ့တည်ရှိမှုကိုသိရှိသွားပြီး ရုပ်ကြွင်းဗေဒပညာရှင်တွေရဲ့ကဏ္ဍဟာ ပျောက်ဆုံးလာခဲ့ပါတယ်။ ဒါပေမဲ့ ဒေါက်တာဂရန့်ကတော့ လက်မလျှော့‌ဘဲ ရပ်တာတွေဟာ အသံနဲ့ဆက်သွယ်နိုင်ကြောင်းသီအိုရီကို ကျောက်ဖြစ်ရုပ်ကြွင်းတွေကတစ်ဆင့် လေ့လာနေခဲ့ပါတယ်။ တစ်ဖက်မှာလည်း ဆယ်ကျော်သက်ကောင်လေးတစ်ယောက်ဟာ ဒိုင်နိုဆောတွေရှိတဲ့အီစလာဆိုနာရဲ့ တားမြစ်လေပိုင်နက်ထဲမှာ လေထီးခိုစီးရင်း ပျောက်‌ဆုံးသွားခဲ့ပါတယ်။ အဲဒီအတွက် သူ့မိဘနှစ်ပါးဟာ သားဖြစ်သူကိုရှာဖွေဖို့ ဒေါက်တာဂရန့်ကိုတစ်ပတ်ရိုက်ပြီး ကျွန်းဆီကိုခေါ်ဆောင်လာပါတယ်။ ဒီလိုနဲ့ ဒေါက်တာဂရန့်အတွက်တော့ ဂျရက်ဆစ်ဥယျာဉ်အိပ်မက်ဆိုးကြီးကို တစ်ဖန်ပြန်မြင်မက်ရပါတော့တယ်။ ပျောက်ဆုံးသွားတဲ့ကောင်ကလေးက တကယ်ပဲအသက်ရှင်ရက်ရှိနေသေးသလား။ ဒေါက်တာဂရန့်တို့ကရော အီစလာဆိုနာမှာ ဒေါက်တာမဲလ်ကွန်းတို့ကြုံခဲ့ရသလို ကြောက်မက်ဖွယ်ရာသားရဲတွေနဲ့ အသက်လုရင်ဆိုင်ရမလား။ နောက်ဆုံးဘယ်သူတွေပြန်လာနိုင်ခဲ့မှာလဲဆိုတာကို ဇာတ်ကားလေးကြည့်ရင်း အဖြေရှာကြည့်လိုက်ကြပါဦးနော်။ ဒိုင်နိုဆောချစ်သူတွေအတွက်ကတော့ ကြည့်ရတာစိတ်ကျေနပ်မှုအပြည့်အဝပေးနိုင်မဲ့ စွန့်စားခန်းတွေတွေ့မြင်ရမှာ အသေအချာပါပဲ။