Ju Dou

ဒါလေးကတော့ ၁၉၉၀ မှာ နာမည်ကြီး မင်းသမီး Gong Li နဲ့ နာမည်ကြီး မင်းသား Li Baotian တို့ အတူတူ ပါဝင် သရုပ်ဆောင်ထားတဲ့ ဇာတ်ကားလေးပဲ ဖြစ်ပါတယ်။ ဇာတ်လမ်းထဲမှာ အဓိက ပြချင်တဲ့ အကြောင်းအရာကတော့ “ကျွီတုန့်”ဆိုတဲ့ မိန်းကလေးရဲ့ ဝမ်းနည်းဖွယ်ရာ ကံဆိုးမိုးမှောင်ကျတဲ့ ဘဝကိုပါပဲ။ တရုတ်ပြည်ရဲ့ ရွာတစ်ရွာမှာ ဆေးဆိုးလုပ်ငန်းလုပ်တဲ့ “ရန်ထရန်းကျင်း”ဆိုတဲ့ လူက သူ့ဦးလေး ဝယ်လာတဲ့ မိန်းမချောလေး “ကျွီတုန့်”ကို တိတ်တခိုး ချစ်မိသွားပါတော့တယ်။ သူ့ဦးလေးက အသက်ကြီးပြီး ကလေးရနိုင်စွမ်း မရှိတော့တာကို ဖုံးကွယ်ပြီး ဝယ်ထားတဲ့ မိန်းမတွေ အပေါ်ပဲ ကလေး မမွေးပေးနိုင်လို့ ဆိုကာ အပြစ်တင် နှိပ်စက်နေတဲ့ လူကြီးပါ။ “ရန်ထရန်းကျင်း”က“ကျွီတုန့်”ကို သနားမိပြီး ချစ်မိသွားသလို၊“ကျွီတုန့်”ကလည်း သူ့ကို ကူညီပေးတတ်တဲ့“ရန်ထရန်းကျင်း”ကို ချစ်မိသွားခဲ့တယ်။ နောက်တော့“ကျွီတုန့်”က “ရန်ထရန်းကျင်း”နဲ့ ကိုယ်ဝန်ရသွားပြီး သားလေး တစ်ယောက် မွေးဖွားခဲ့တယ်။ “ရန်ထရန်းကျင်း”ရဲ့ ဦးလေးကတော့ အဲ့ကလေးကို သူ့သားလေးလို့ပဲ ထင်နေ‌တော့“ကျွီတုန့်”တို့ကလည်း ဘာမှ မပြောဘဲ ဖုံးကွယ်ထားခဲ့တယ်။ တစ်နေ့ကျဝောာ့ “ရန်ထရန်းကျင်း”ရဲ့ ဦးလေးက မတော်တဆ အောက်ပိုင်းသေသွားပြီး မသန်စွမ်းဖြစ်သွားခဲ့တယ်။ အဲ့ဒါနဲ့“ကျွီတုန့်”တို့က သူ့ကို ဂရုစိုက်စရာ မလိုတော့ဘဲ ပျော်ပျော်ရွှင်ရွှင် မိသားစုလေး တည်ဆောက်ခဲ့တယ်။ ဒါပေမဲ့ ကံမကောင်းတဲ့ သူတို့ ဘဝမှာ ဘာပြဿနာတွေ ထပ်ဖြစ်လာဦးမလဲ ဆိုတာကိုတော့ ကိုယ်တိုင်ပဲ ကြည့်ကြည့်လိုက်ပါရှင်။